"Papel média no jornalista sira importante teb-tebes, tanba (ne’e) jornalista sira tenke informandu. Ida ne'ebé importante tebes", dehan Roy.

Roy deklara kestaun ne’e relasiona ho dadus ne’ebé ONU katak porsentu violensia kontra feto no labarik iha Timor Leste entre 40% to’o 60%.

"Timor Leste iha dadus ne'ebé hatudu iha pursentu 40 husi peskiza demográfia saúde iha Timor Leste no iha peskiza seluk husi Nabilan pursentajen besik 60 violensia domestika kontra feto no labarik," relata membru ONU iha Timor Leste Sunita Caminha.

Sunita hatutan, reprezentante ONU iha Timor Leste bele serbisu hamutuk ho média sira hodi habelar informasaun kona-ba violensia domestika ba públiku.

"Ha'u espera katak reprezentante ONU bele halo parseria ho jornalista sira hodi bele hakle'an oinsa liu husi jornalista sira-nia istória no ita-boot sira-nia kobertura bele tau sobreviventes sira, respeita no rekoñese sira hodi fó oportunidade ba sira-nia lian," dehan Sunita.