Tanba informasaun ne’ebé fó sai husi RTTL iha suku balun seidauk bele asesu, maibé rádiu komunidade 16 presiza relei notísia sira hodi fasilita informasaun Ba komunidade sira.
Governante ne'e mós husu ba rádiu komunidade 16 ne'ebé eziste iha TL ne'e,atu mantein servisu didi'ak hodi fo sai informasaun ne'ebé kredivel ba komunidade.
"Ha'u hakarak rádiu komunidade 16 ne'ebé iha TL ne'e tenke halo relei ba notisia RTTL.Ep nia. Bainhira oras notísia gazetas ka breaking news ou notisia saida de'it mak fó sai, ita-boot sira tenke relei atu nune'e ajuda rttl transmite informasaun ba komunidade sira”, dehan Francisco Jerónimo wainhira halo konferensia Zoom ho Rádiu komunidade sira, iha Palásiu governu, sesta (30/4).
Maske RTTL eziste tinan hira ona, maibé seidauk to’o iha fatin balun, mak radiu komunidade sira bele halo transmite filafali informasaun ba komunidade.
Tamba ne'e husu ba rádiu komunidade sira iha obrigasaun atu relei informasaun iha RTTL.ep atubele fó informasaun iha tempu hanesan ba komunidade sira iha Timor laran tomak.
“Nu'udar intrusaun ida ba ita-boot sira, tanba ita agora halo kooperasaun ba malu, ita servisu hamutuk e governu sei tau atensaun nafatin ba ita-boot sira, atu nune'e servisu di'ak liu ba futuru”, dehan. (*)