Login to your account

Username *
Password *
Remember Me

PR Lú Olo Husu PJR Labele Permite Intervensaun Politika iha Servisu

Prezidente Repúblika (PR), Francisco Guterres ‘Lú Olo’, konversa hela ho Prokuradór Jerál Repúblika (PJR), Alfonso Lopez iha  Palasíu Prezidensiál Bairopite, kinta (29/04). Prezidente Repúblika (PR), Francisco Guterres ‘Lú Olo’, konversa hela ho Prokuradór Jerál Repúblika (PJR), Alfonso Lopez iha Palasíu Prezidensiál Bairopite, kinta (29/04). Foto Suplay

Tempotimor (Dili) - Prezidente Repúblika (PR), Francisco Guterres ‘Lú Olo’, husu ba Prokuradór Jerál Repúblika (PJR), Alfonso Lopez atu labele permite intervensaun Politika mosu iha servisu justisa.

Prezidente Repúblika ne’ebé fó posse ba dirijente as liu iha estrutura Ministériu Públiku, tuir estatutu obrigatóriu ida ne'ebé marka loron dahuluk emposadu hahú nia kna’ar.

Haree ba artigu 86, alínea k) husi artigu 133, númeru 3, Konstituisaun Repúblika, konjuga ho artigu 12, númeru 1, númeru 2 husi Lei númeru 14/2005, 16 setembru, altera husi Lei númeru 11/2011, 28 setembru (Estatutu Ministériu Públiku) mak dekreta hodi nomea Alfonso Lopez nu’udar Prokuradór Jerál Repúblika foun

"Majistradu Ministériu Públiku no autór sira seluk ne'ebé halo parte sistema justisa formal la bele permite intervensaun polítiku-partidária iha sira-nia lala'ok. Sira-nia lala'ok la bele mós politiza (la pior liu, partidariza fali) atu sastisfáz de'it forsa polítiku-partidária ruma maibé la bele kahur gostu pesoál ho lala'ok profesionál”, dehan Prezidente Repúblika Lú Olo iha Palasíu Prezidensiál Bairopite, kinta (29/04)

Tanba Nú. 3 artigu 132 Konstituisaun RDTL hatete, majistradu sira iha Ministériu Públiku, bainhira hala'o sira-nia knaar, sira submete ba kritériu sira kona-ba legalidade, objetividade, izensaun no tenke haktuir direta ho orden sira iha lei laran.

"Ha'u husu nafatin ba hothotu atu halo esforsu atu hadi'ak liután instituisaun sira ne'ebé hala'o justisa formal estadu nian”, afirma Lú Olo.

Husi Prokuradór sira hotu iha nível sub-nasional no husi interveniente no koloborador sira seluk, hein katak sei kontinua kolobora ho forma di'ak liu ho Prokuradór Jerál foun atu instituisaun ne'e bele hala'o ninia kna’ar ho rigor liután, efisiénsia, lais liu, ho kualidade no kredibilidade as liu, nune’e konkista liután no ba beibeik konfiansa husi povu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter