Tanba komunidade ne’ebé hela iha área Tasitolu sai vítima maske la'os governu ida maka autoriza ema sira ne'e halo uma iha ne'eba inklui hari uma iha mota ninin no foho lolon.

“Ha'u hanoin governu tenke deklara forsa de lei ne’ebé fatin balun zona iha risku ema labele kontinua hela iha ne’eba, Tasitolu zona de risku e ne' e mós zona de protezidu, ne'e duni labele permite ema ruma halo konstrusaun iha ne’eba”, afirma Horta iha farol, tersa (27/04).

Maibé governu mós tenke buka solusaun hodi haree fatin ba konstrusaun atubele muda sai husi zona protejidu.

“Governu mak tenke halo dialogu ho ema sira ne’e esplika e muda ba zona temporáriu ba ne’ebé los ne’e ha’u lahatene, ne’e governu mak identifika rai ne’ebé propriadu públiku estadu nian”, dehan nia.

Maske governu responsavel ba tinan sia nia laran nunka halo medida atu impede ema halo uma arbiru ihaárea Tasitolu.

“Governu responsavel ba tinan sira nia laran, née munisipiu Dili la haree ema halo konstrusaun daudaun”, hatete nia.

Ramos Horta husu ba Governu atu prepara fatin temporariu ruma hodi muda populasaun sira iha Tasi Tolu ba hela depois buka solusaun permanente ba hela fatin komunidade sira ne'e nian

“Uma temporario bele halo tenda, mais tenda neebe kualidade, hanesan kampu refujiadu sira iha rai bar-barak, ema hela iha kampu refujiadu ne'e tempu lubuk ida, dalaruma tinan ba tinan ate hetan solusaun definitivu. Agora atu halo fila fali uma ne'ebe sira okupa ilegal rai ne'ebe zona protejido, rai ne'ebe Ita hatene née perigozu tamba inundasaun, rai nakdoko, rai monu, née governu labele halo. Governu mak tenke halo dialogu ho ema sira ne'e esplika e muda ba zona temporario ba ne'ebe los né'e hau lahatene, né'e governu mak identifika rai ne'ebe proprietariu publiko estado nian,” dehan nia.

 Ramos Horta hateten ninia parte la aseita atu populasaun sira ne’ebe nia uma iha Tasi tolu been sa’e ona e kuandu supa e bee maran sira bele fila ba sira nia uma iha Tasi Tolu.

“Ha'u la konkorda liu ho populasaun atu hela iha ne'eba, populasaun neebe mak hela iha neeba née okupasaun ilegal, hau la konkorda liu I governu labele permite buat ida nee iha ne'eba,” dehan Ramos Horta.(*)