Tanba, pandemia Sars Cov-2 sai inimigu komum iha mundu no nasaun Timor-Leste, ne’ebé presiza konsiénsia ema hotu nian tuir regra prevensaun.
"Sala situasaun hakarak alerta ba ema hotu katak Covid-19 iha Timor-Leste ne'e hanesan inimigu komun ida, sussesu ba kombate hela iha autoridade estadu nian e iha mós konsiénsia umanu nian”, dehan Pedro iha Parlamentu Nasional Dili, kuarta (28/04).
Ho aprejentasaun Sentru Integradu Jestaun ba Krize (SIJK) iha PN atu atualija informasaun ba deputadu sira hotu kona-ba situasaun global nasional liuliu Pandemia covid-19.
Ba estratejia kombate no aplikasaun nomós medida, proposta ne'ebé halo ba governu atu hasoru konjuntura foun ne'ebé mak mosu tanba dezastre naturál akontese iha loron 04 fulan-abpil nune'e mós aprezenta rekomendasaun téknika.
"Sussesu ba kombate sei marka kredibilidade e prestíjiu nasional, derota karik signifika falta responsáblidade ema hotu nian ba nasaun nune'e mós ba komunidade internasional”, dehan Pedro.
SIJK rasik aprejenta hanoin hanesan espozisaun situasaun covid-19 iha Timor-Leste, operasaun estratéjia kombate no rekomendasaun. (*)