Tanba ne’e, governu tenke deklara fatin ne’ebé tama iha zona risku atu nune’e komunidade sira labele kontinu konstrui ilega uma hodi hela .

“Tasitolu zona risku no zona de protezido, ne'e duni labele permite ema ruma halo konstrusaun iha ne’eba. Sira ne’ebé sai vítima governu la’ó halo konpensasaun tanba la’ós governu mak halo uma ba sira”, deklara Horta iha Farol, tersa (27/04).

Horta esplika, kuandu ko’alia kona-ba kompesasaun komunidade ho Estadu responsável, maibé laiha governu ida mak autoriza ema halo konstrusaun ilegal iha fatin risku.

Tanba ne’e, governu tenke buka solusaun no labele hatete de’it labele, maibé buka solusaun haree fatin halo kontrusaun uma temporáriu hodi buka solisaun definitivu.

“Agora atu halo filafali uma ne’ebé sira ukupa ilegal, rai ne’ebé zona protezidu. Rai ita hatene perigozu tanba inundasaun, rai nakdoko, rai monu, ne’e governu labele halo”, apela Horta.

Ho ida ne’e, eis diplomatiku la konkorda populasaun kuaze rihun resin ne’ebé okupa rai iha área risku Ba Dezastre naturál no balu ateru fali tasi tolu hodi kontrui uma.

“Ha'u la konkorda liu ho populasaun atu hela iha ne'eba, populasaun ne’ebé mak hela iha ne’eba okupasaun ilegal, ha’u la konkorda liu, e governu labele permite buat ida ne’e iha ne'eba”, deklara Horta.

Haree ba komunidade sira ne’ebé konstrui uma rabat malu iha área risku Horta dehan, ne’e responsabilidade rasik, tanba sira rasik halo uma.

“Governu responsável ba tinan sira ne'e nia laran, Munisípiu Dili la haree ema halo konstrusaun daudaun”, afirma. (*)