Ba kargu ne’e, hahú husi mandatu dahuluk iha tinan 2013-2017 no segundu mandatu iha tinan 2017-2021. Tanba PJR Jose Ximenes simu posse iha 28 fulan-abril 2017 husi Prezidente Repúblika iha altura ne'eba Taur Matan Ruak mais tempu boot liu tinan 2017 to'o 2021, nia hamutuk ho Prezidente Repúblika, Francisco Guterres ‘Lú Olo to'o mandatu remata.

"Aban loron 28 fulan-abril 2021, ha'u sei termina ha'u-nia mandatu hanesan Prokuradór Jerál Repúblika, nune'e ha'u hato'o ha'u-nia gratidaun no agradese ba Prezidente Repúblika ba auto kargu hanesan Prokuradór Repúblika premeiru mandatu 2013 to'o 2017 no segundu mandatu 2017-2021", dehan Jose hafoin enkontru ho Prezidente Repúblika iha Palásiu Prezidensiál Bairropite, tersa (27/04)

Iha biban ne'e, nia mós hato'o gratidaun no agradese ba apoiu hotu ne'ebé mak Prokuradór Jerál Repúblika simu no Ministériu Públiku simu.

"Pesoalmente ha'u agradese, tanba hetan oportunidade hodi lidera Ministériu Públiku ho Prokuradór Jerál Repúblika besik dekada ida, ho personalidade ita-nia líder rezistensia na'in-rua ho personalidade ne'ebé mak diferente maibé ho sentidu estadu ne'ebé ass”, afirma nia.(*)