"Ha'u ko'alia ho Primeiru Ministru, oinsá atu hetan fornesementu vasina barak liu mai Timor-Leste iha tempu badak, señór Primeiru Ministru halo tiha kontaktu ofisiál maka, ha'u husi kotuk dudu, ha'u labele fó hatene ho sé, no ho rai ida ne'ebé", dehan Horta hafoin sorumutu ho Primeiru Ministru, Taur Matan Ruak iha rezidénsia Farol, tersa (27/04).

Vasina AstraZencas ne'ebé liuhusi sistema Covax, no Organizasaun Mundiál Saúde mak di'ak liu ba Timor-Leste, no lalika kahur barak ho vasina sira seluk.

Tanba, vasina AstraZencas sientista boot husi Inglaterra, Suesia, kompaña sira, no universidade Oxfor, efikas duni, liu 80 pursentu, nune'e iha segunda faze vasina mai bele sa'e ba 90 pursentu doses.

"Austrália mak atu fornese fábrila tuir regra Austrália nian, ne'e duni ha'u konfiansa, hanoin ne'e mak ita tenke buka fornesementu barak liuhusi Austrália", dehan Horta.

Hanesan timoroan Horta mós halo ona kontaktu ho kompaña no nasaun balun atu oinsá bele apoiu Vasina AstraZeneca mai Timor-Leste.

"Iha loron hira nia laran, ha'u husi kotuk ha'u haree buka ho rai balun, sientista, no kompaña balun, oinsá haree no estuda sira nia vasina, ai-moruk, tratamentu, para haree oinsá bele hatama iha Timor-Leste", afirma. (*)