Login to your account

Username *
Password *
Remember Me

Ema Deskoñesidu Asalta Jornalista, PNTL Sei buka Tuir Suspeitu

Tempotimor (Dili) - Insidente ne’ebé mosu iha segunda (26/04), maizumenus tuku 20:00 otl, joven mane deskuñesidu ida hamri'ik besik iha estrada ibun iha área Ponte Komoro III asalta jornalista husi mídia Dili Post.

Akontesimentu ne'e mosu bainhira vítima ho inisial TdSM tula hela ho nia kaben husi servisu fatin Fatuhada atu fila ba uma, maibé to'o iha dalan, ema deskuñesidu ne'e halo asaltu hasoru sira.

"Bainhira ha'u ho ferik oan fila husi servisu, mai to'o iha ponte Komoro III foun ne'e nia rohan, iha joven mane ida mak hamri'ik hela iha estrada ninin, entaun ho motorizada liu tun mai, ha'u hanoin kala nia atu hakat ba estrada sorin, entaun ha'u mós halai neneik”, haktuir vítima, iha nia rezidénsia área Ponte foun Komoro III, Aldeia Moris Foun, Suku Komoro, Postu administrativu Dom Aleixu, Munisípiu Dili, tersa (27/04).

Maske vítima hein atu ema deskoñesidu hodi hakat, maibé la hatak, “Ha'u hein nia la hakat, entaun ha'u liu de'it. Ha'u ho motorizada liu, nia tebe husi ha'u-nia kotuk, entaun ha'u nia liman ne'e kasu-an husi volante, ha'u tahan motor labele, ha'u ho ferik oan hotu rasta aan".

Hafoin sira monu ba alkatraun leten, rezulta kanek iha ibun, nehan ida tohar, inklui naksalak iha kabas sorin karuk no bubu iha liman.

"Depois buatamak ne'e atu mai baku tan, entaun ferik oan mak hamriik hanesan istóri malu ho nia, heksesuk malu, nia konsege tuku tan hau nia ferik oan nia ulun", dehan nia.

Durante akontesimentu, ema sira ne'ebé hamri'ik hela iha sorin-sorin, la halo asaun ruma hasoru suspeitu ne'e to'o husik halai lakon no vítima ho nia kaben mós la konsege identifika suspeitu ne'e nia oin.

Bainhira husu kona-ba karik durante ne'e, vítima iha problema ruma ho ema seluk, nia dehan, "lae, ha'u nunka halo problema, imi (kolega jornalista) hatene de'it ona, ha'u durante ne'e hala'o de'it ha'u-nia servisu, e nunka halo problema ho ema ida. Mete organisasi mós ha'u la mete ida", haktenik nia.

Hafoin akontesimentu, polisia eskuadra Ai-mutin to'o kedan iha fatin hodi lori vítima ba hato'o deklarasaun no haruka ba halo tratamentu iha Sentru Saúde Komoro.

Entretantu, Segundu komandante PNTL Munisípiu Dili, Superintendente Polisia, Euclides da Costa belo dehan, hafoin insidente ne'e, vítima kontata direta kedan ba nia liuhusi telefone hodi informa kona-ba ninia situasaun durante hetan asalta husi ema deskuñesdu ne'e iha Ponte foun Komoro III.

"Infomasoens sira iha ona, e ohin mós ita komunika nafatin para depois alin jornalista ne'e bele kompleta informasaun ba ita-nia investigasaun eskuadra Ai-mutin nian para ita bele buka suspeitu", dehan komandante Belo.

Hahalok suspeitu sira hanesan ne'e, PNTL sei laiha toleransia, polísia nafatin buka tuir hodi submete sira ba prosesu investigasaun.

"Ida ne'e mak parte PNTL husu para depois hanesan interveniente ba prosesu ida, tenke ser iha keixa, númeru keixa iha, maibé mós informasaun balu ne'ebé tuir tátika prosesual ninian ne'ebé iha, tenke ser husi parte lezada nomós sasin, para kompleta, para depois iha halo promosaun", nia hakotu.

Maibé husu ba lezada bele foti mós deklarasaun atestadu médiku nian, para depois polísia tau hamutuk hodi halo prosesu ba oin.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter