Lei orsamentu rektifikativu ne’ebé haruka ba PR atu halo promulgasaun hodi governu bele ezekuta osan tuir legalidade refere.
Prezidente Komisaun C trata asuntu Finansa, Deputada Maria Angélica Rangel afirma, dadaun komisaun finaliza ona OR iha redasaun finál, no sei submete ba Prezidente Parlamentu Nasionál hodi halo leitura, depois iha loraik sei haruka kedan ba Xefe Estadu hodi hala'o promulgasaun durante loron 30.
"Sim, ami ohin halo ona iha aprovasaun redasaun finál knklui ona, no ursida sei haruka ba prezidente PN, para depois invia kedan ba PR”, hatete nia iha parlamentu nasional (PN) segunda (26/04).
Enkuantu, iha proposta Governu propoin tokon US$223,8 prevee ba fundu COVID-19 ne’ebé aumenta tán ba orsamentu orijinál, no integrasaun saldu jerénsia ne’ebé la inskritu iha OJE 2021 ho montante tokon US$135,3.
Nune’e mós altera OJE 2021 ne’e foti husi fundu infraestrutura tokon US$54 no ministériu sira hamutuk tokon US$65,152 nune’e rezerva kontinjénsia sa’e ona tokon US$100-resin.
Husi ajustamentu hirak ne’e inklui saldu jerénsia tokon US$135,3 halo OJE 2021 nia montante sa'e to'o billaun US$2,1.(*)