Família Hermegildo husu MS Fó Informasaun lolo'os Molok Vasina

Segundu Komandante Operasional iha Bombeiro TL, Ermegildo Lobato simu hela vasina AstraZeneca iha nia servisu fatin Kaikoli, kuarta (21/04) Segundu Komandante Operasional iha Bombeiro TL, Ermegildo Lobato simu hela vasina AstraZeneca iha nia servisu fatin Kaikoli, kuarta (21/04) Foto Suplai

Tempotimor (Dili) - Familia husi Ermegildo Lobato husu Ministériu Saúde (MS), liu-liu médiku sira atu fó uluk informasaun ne'ebé loloos ba pasiente sira molok halo vasina ba ema nia isin.

Família sira husu ne'e, relasiona ho sira nia maun Hermegildo Lobato ne'ebé oras ne'e moras toba hela iha sala Hospital Nasional Guido Valadáres (HNGV) Bidau Dili, hafoin simu vasina husi médiku sira iha nia servisu fatin edifisiu Bombeiro Kaikoli.

António Lobato Pereira Borges, nu'udár alin husi vitima HL haktuir, iha kuarta (21/04) ne'e, ekipa husi ministériu saúde munisipiu Dili liuhusi klinika Vera Cruz, ba iha Bombeiro hodi halo vasinasaun Astranezeneca ba membru sira.

Iha altura ne'e, nia maun Hermegildo Lobato mós simu hotu vasina husi médiku sira, tanba molok ne'e, médiku sira koko nia tensaun, no rezultadu hatudu normál.

"Hodi nune'e nia mós simu vasinasaun iha tuku 10. Depois meiudia nia fila ba uma, deskansa iha nia hela fatin, iha área Villa Verde, kuandu tuku 3 lorokraik, nia atu fila hikas ba servisu fatin, nia hetan ataka ou monu, família tula kedan ba HNGV", hateten António Lobato iha nia rezidénsia iha Taka-matan, Adeia Haslaran, Suku Kamea, Postu Administrativu Verra Cruz, sábadu (24/04/2021).

Ho situasaun ne'e, nia dehan, esplikasaun husi médikua sira iha terrenu, la fó informasaun klaru no loloos ba públiku, tanba esplikasaun médiku sira dehan katak, bainhira ema ruma ne'ebé moras laran hanesan hepatitis ho seluk tan, bele tuir vasina.

"Mais será ke, sira la koalia kona-ba impaktu sona ne'e, ran halai ba ulun sira la koalia. Depois sira koalia tan ba maun, karik maun la sona mós sei hetan strock. Duvidas mai iha família, deskontente ho palavras ne'ebé mak sira koalia. Husi WHO mós mai koalia hanesan hotu, entaun buat ne'e ita haree hanesan sira hatene hela, sira atu koalia ne'e taka falta tiha", dehan nia.

Aleinde ne'e, nia mós kestiona kona-ba atendimentu pessoal saúde sira nian iha HNGV ne'ebé la halo atende ho rigór, tanba realidade hatudu bainhira nia maun moras lori ba ospitál, médiku sira sibuk mak halo uluk fali teste swab.

Nia hateten, sira nia maun nia sintomas atu halai ba strock ona, maibé ho razaun saida mak tenke halo teste swab uluk, antes halo atendimentu ba sira nia maun nia kondisaun saúde ne'ebé ho oin halai.

"Halo nusá mak tenke swab tan, enkuantu iha dadeer nia hetan tiha ona vasinasaun Astrazeneca iha nia servisu fatin Bombeirus. Pior ke, foin simu oras balu de'it, agora swab tan, ida ne'e barak sai ami nia preukupasaun no duvidas ba mediku sira.

Nia husu ba médiku sira atu tenke distinge moras husi kada pasiente bainhira ba halo tratamentu saúde iha Ospitál nasional, entre moras gráve no la gráve, tanba bele lori perigu ba ema nia vida.

"Ami husi familia Hermegildo Lobato, hato'o lamentasoens ba ministériu saúde no la satisfas ho saida mak akontese ba ami nia maun", hateten nia.

Maske nune'e, nia apresia ho servisu husi médiku sira MS nian durante ne'e, maibé husu atu hadi'a sistema atendimentu, nune'e labele halo pániku populasaun sira seluk.

Entretantu, vítima Hermegildo Lobato (47) nu'udár ajente operasionál iha Bombeirus Timor-Leste ho pozisaun ka Segundu Komandante, maibé oras ne'e moras gráve toba hela iha HNVG, Bidau, Dili.

Infelizmente to'o notisia ne'e publika www.tempotimor.com seida'uk konsege konfirma ho autoridade kompetente. (*)

Rate this item
(2 votes)
Last modified on Saturday, 24 April 2021 20:27
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter