Print this page

KHUNTO Vota Kontra Proposta PN atu Evita Opizisaun Deklara Governu Inkapasidade

Xefe Bankada Kmanek Haburas Unidade Nasional Timor Oan (KHUNTO), Olinda Guterres iha plenaria Parlamentu Nasional Xefe Bankada Kmanek Haburas Unidade Nasional Timor Oan (KHUNTO), Olinda Guterres iha plenaria Parlamentu Nasional Foto Arkivu

Tempotimor (Dili)-Xefe Bankada Kmanek Haburas Unidade Nasional Timor Oan (KHUNTO), Olinda Guterres, hatete KHUNTO vota kontra ba proposta substituisaun númeru 50 ne’ebé aprezenta husi deputadu proponente sira iha Parlamentu Nasional (PN) atu evita Bankada opizisaun deklara nafatin Governu inkapasidade.

Proosta refere hetan vota kontra tanba proposta substituisaun 50 ba porposta 32/V(3a), alterasaun dahuluk ba lei númeru 14/2020 orsamentu jerál estadu (OJE) 2021, ne’ebé governu aprezenta ba PN ne'e los ona.

Tanba ne’e, husu bankada apoiante sira atu la'o tuir de'it saída mak governu haruka ba Parlamentu.

“Primeiru Ves, ha’u vota kontra ba ha’u-nia kolega deputadu sira-nia proposta substituisaun númeru 50. Sé, kuandu ita halo ida ne'e mak kolega sira opozisaun hatete tan katak governu inkapasidade, liafuan sira mai husi ne’ebé, tan buat sira hanesan ne'e mak kolega opozisaun sira bele ko’alia governu inkapasidade”, dehan nia iha PN, sesta (23/04).

Tuir lolos KHUNTO hakarak fó votu afavor, maibé tanba proposta ne'e governu mak lori mai, maibé governu ba apoiu fali proposta substituisaun husi PN.

“Agora ministru aseita, ha’u mak ministra ha’u la aseita, tanba ha’u mak halo tiha proposta ne'e mai, agora ha’u mak ba apoiu fali proposta substituisaun, ministru finansa ne'e ita-boot sala, tanbasá, proposta ne'e ita-boot sira mak lori mai”, hatete nia.

Maibé, Deputadu Bankada FRETILIN, Antonino Bianco husu ba bankada apoiante sira wainhira haree proposta ruma la nesesariu entaun buka atu hadi’a no rezolve.

"Ha’u hein katak, deputadu sira bankada plataforma, atu deklara vota kontra ne'e ha’u halo pergunta boot ida, di’ak liu lalika ba vota kontra tanba governu simu”, dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items