Rezolusaun Konferensia AMP : Troka Alkatiri iha Oekusse Featured

Xanana Gusmao, Mari Alkatiri ho Taur Matan Ruak ko'alia hela iha momentu ruma liu ba kotuk Xanana Gusmao, Mari Alkatiri ho Taur Matan Ruak ko'alia hela iha momentu ruma liu ba kotuk foto arkivu

Konferensia bloku Aliansa Mudansa ba Progresu ne’ebé hala’o sein partisipasaun husi Prezidente AMP Kay Rala Xanana Gusmão hasai ona rezolusaun balun. Pontu ida iha rezolusaun ne’e mak la fó tan kargu ba Sekretariu Jeral FRETILIN Mari Alkatiri iha Oekusse.

Hanesan públiku hatene, mandatu Prezidente Autoridade Rejiaun Autonomu Espesial Oekusse-Ambeno (RAEOA) ne’ebé kaer husi Mari Alkatiri sei remata iha fulan ida ne’e nia rohan.

Liu husi Konferensia AMP, membru partidu CNRT, PLP, no KHUNTO ne’ebé hala’o durante loron rua nia laran, hahú husi Sabadu (15/06) to’o Domingu (16/06) ho tema “Konsolida AMP hodi Serbi Di’ak liu tan Povu” diskuti mós asuntu refere.

Iha loron ikus konferensia, AMP hasai rezolusaun balun no pontu importante balun iha rezolusaun ne’e kona-ba la extende mandatu atual Prezidente Autoridade RAEOA, Mari Alkatiri.

Iha rezolusaun ne’e, AMP rekomenda ba Primeiru Ministru Taur Matan Ruak atu indika ema seluk hodi troka Alkatiri nu’udar Prezidente Autoridade RAEOA.

Aleinde pontu ne’e, pontu importante seluk ne’ebé fó sai iha rezolusaun AMP mak projetu 143 ne’ebé to’o ohin loron sei sai problema.

Ba asuntu remodelasaun, iha rezolusaun ne’e fó kompetensia ba Konsellu Ministru atu tenke halo avaliasaun periodika ba membru governu sira no ba sira ne’ebé laiha dezempeñu di’ak konsidera atu remodela.

Rate this item
(13 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com