Print this page

 CNRT Baralla Debat OR, Aniceto La Konkorda ho Opiniaun La Nesesariu

Tempotimor (Dili)-Prezidente Parlamentu Nssional (PPN), Aniceto Guteres, nota membru Parlamentu Nasional husi bankada Opozisaun halo baralla debate Orsamentu Rektifikativu (OR) nune'e nia parte la konkorda opiniaun ne'ebe la nesesariu husi deputadu bankada CNRT, tanba governu aseita ona proposta husi parlamentu Nasional (PN).

 Haree proposta PN ne’ebé hetan ona konkordansia husi governu, mak meza inpoin atu sinplifika prosesu no la presiza deklarasaun ne’ebé governu la aseita.

 "Ajuda governu ba sira ne’ebé governu la aseita, ida aseita tiha ona, atu ajuda tan saida senhor deputada, lolos ita-boot iha diretu, maibé tempu ne’ebé ita baralla tiha ona, meza inpoin nia autoridade para sinplifika prosesu”, hatete nia iha plenária PN, kinta (22/04).

 Maske iha debate espesialidade ba proposta rektifikativu ne'e, Deputadu bankada CNRT hakarak fó apoiu atu halos ketsuan balun.

 Tanba ajuda ne'e tenke onestu hodi kontribui halo prosesu ne'e ba oin, para labele komplika prosesu.

 "Be uluk lori mai mos ita-boot (CNRT) sira ne'e hanusa, ita-boot sira boikota, tenke ser onestu, uluk orsamentu iha ne'e ita-boot sira abandona”, dehan nia.

 Hatan ba kestaun ne'e, Deputada bankada CNRT, Maria Fernanda Lai hatete, nia parte sei lakoi halo komplikasaun ba debate bainhira meza fó tempu.

 "Prezidente ha’u la komplika, ha’u atu ajuda governu, se fó tempu,"hatete nia.

 Aleinde deputada Carmelita Minis Caetano, husu proponente hirak ne’ebé aprezenta proposta alterasaun, presiza halo justifikasaun, tanba konsidera kontiudu balun la kondis ho proposta rektifikativu governu nian.

 “Proposta ne'e ami presiza hetan justifikasaun, ami hakarak ajuda ne'e tanba balun ne’e kontradis, ho proposta governu ne’ebé hato'o mai, ne'e mak ami presiza husu justifikasaun husi proponente sira”, hatete nia.(*)

Rate this item
(0 votes)
Last modified on Thursday, 22 April 2021 17:17
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items