Login to your account

Username *
Password *
Remember Me

Kalbuadi: Xanana ‘Falta’ tan iha Serbisu Boot Liu Konferensia AMP Featured

Prezidente AMP, Kay Rala Xanana Gusmao loke hela sampana iha festa aniversariu GMN, Mandarin, Dili (15/06) Prezidente AMP, Kay Rala Xanana Gusmao loke hela sampana iha festa aniversariu GMN, Mandarin, Dili (15/06) Foto Suplai

Tempotimor (Dili) Prezidente bloku Aliansa Mudansa ba Progresu (AMP) Kay Rala Xanana Gusmão hala’o hela serbisu ne’ebé boot liu kompara ho Konferensia ne’ebé bloku AMP realiza durante loron rua nia laran.

Kestaun ida ne’e hato’o husi Sekretariu Jeral CNRT, Francisco Kalbuadi Lay relasiona ho Xanana ne’ebé la marka prezensa durante Konferensia AMP ho tema “Konsolida AMP hodi Serbi Di’ak liu tan Povu” ne’ebé realiza durante loron rua, Sabadu (15/06) no Domingu (16/06), iha Terra Santa, Rai-kotu, Dili.

"Preimeiru atu hato'o ba ita-boot (jornalista) sira, maun boot Kay Rala Xanana Gusmão la marka prezensa não quer dizer que nia laiha ne'e (Timor) ne'ebé ami sira la aprezenta.”

“Nu'udar Sekretáriu Jerál Concelho Nacional Recostrução Timorense nian, ami konsulta, ha'u konsulta mós Prezidente (Xanana) no Prezidente fó mandatu tomak ba iha Komisaun Polítika Nasional (CNRT) hamutuk ho aliadu par atu mai diskute programa sira ne'e tanba serbisu Prezidente nian aas liu AMP, ne'e ba interese nasionál," dehan Kalbuadi, Domingu (16/06).

Kalbuadi dehan, ema hotu hatene katak durante tinan ida resin to’o ohin loron Xanana hala’o de’it ninia knar hanesan Xefe Negosiadór ba Fronteira.

"Maun boot la mai, maibé fó nafatin orientasau mai ami por eskritu, verbal, liu-liu ba ha'u no mós ba sira hotu, no ohin dadersan ha'u atu mai mós ha'u hato'o ona ba maun boot Kay Rala Xanana Gusmão atu fó (orientasaun).”

“Horseik loron tomak no ohin saida mak la'o ne'e ha'u simu orientasaun husi maun boot. Nune'e mós ita-boot sira ba haree rasik, ami ba despede Primeiru Ministru ba iha li’ur hodi tratamentu saúde ami hamutuk hela," nia dehan.

Entretantu, maske Xanana laiha tempu atu marka prezensa iha Konferensia AMP nian, maibé iha Sabadu (15/06) Xanana marka prezensa iha aniversariu televizaun Grupu Media Nasionál (GMN).

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2024 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29      

Tempo Timor Networks

Online Counter