Print this page

Lere ‘Sadik’ Governu Hasai Komunidade husi Tasitolu

Uma komunidade ne'ebe hetan hari iha area Tasi Tolu, Kuarta (21/4) Uma komunidade ne'ebe hetan hari iha area Tasi Tolu, Kuarta (21/4) Foto Tempo Timor

Tempotimor (Dili) - Xefe Estadu Maior Jeneral, Falintil-FDTL, Tenente Jeneral Lere Anan Timur, sadik Governu ne’ebé lidera husi Primeiru Ministru, Taur Matan Ruak atu barani hasai komunidade sira husi área Tasitolu.

Tuir nia di'ak liu governu muda sai tiha komunidade husi fatin sira risku ba inundasaun hanesan iha area Tasi tolu, mota ninin no foho lolon sira tan ba nia konsidera wainhira inundasaun mai fali sei nafatin fo risku ba komunidade sira

“katuas Xanana supa be (tasi-ben), be ne'e dehan komesa menus atu populasaun bele (asesu). Ha’u mak iha governu populasaun lahela ona, ne'e zona risku lalika hela ona”, deklara Lere Anan iha Palásiu Prezidensial Nicolao Lobato Bairupite Dili, kuarta (21/04).

Tanba, dezastre naturál ne'ebé akontese sai lisaun ba Timor-Leste atu iha futuru hahú kuidadu-an no evita labele hela iha fatin ne'ebé konsidera zona risku hanesan iha foho lolon no mota ninin.

Husi vítima 43 ne'ebé mate maiori hela iha foho lolon tanba rai taka no balun mate no hela iha mota ninin nune'e bainhira udan boot mota lori.

"Dezastre Naturál ida-ne'e fó lisaun boot ba ita, governu, komunidade ba ema idaida”, dehan Lere

Nune’e mós iha Hera komponente naval nia sorin, vítima mate hamutuk na’in-tolu (3) ida labarik kiik.

Tanba ne’e, orienta monta plaka hodi bandu komunidade atu hela iha área ne’ebé kategoria zona risku.

"Ita preve ba futuru, tinan oin bee mai balun mate tan hanesan ne'e bebeik, ha’u hanoin guvernu mos tenke haree situasaun ida-ne'e”, afirma Lere.

Entertantu, inundasaun ne'ebé akontese foin lalais ne'e rezulta fatin 52 estragu hanesan estrada, ponte, moru retensaun, liña eletrisidade, estasaun bee-mos inklui rezulta ema 40 resin mate.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items