Vise Primeira Ministru (PM) no Atuál Ministra Solidaridade Sosial no Inkluzaun, Armanda Berta hatete, kestaun inundasaun ne’ebé mosu governu konsege apoiu.
"Depois de orsamentu suplementár mai tiha Parlamentu Nasional, ne'e mak foin akontese inundasaun entaun ita (governu) mós la'os tur nonok, governu mos apoiu hela ba ita-nia ema sira, ne'ebe mak evakua husi fatin-fatin”, dehan nia iha parlamentu nasional, kuarta (21/04).
Hahan hirak ne’ebé governu oferese ba vítima sira mak hanesan foos, supermi, bimoli, inklui mós apoiu Catering ba vítima sira.
Aleinde Planu Ministériu Solidaridade Sosial Inkluzaun mós sei tau priordade atu halibur dadus Inan-isin rua, labarik iha fatin evakuasaun ne’ebé sira evakua ba.
"Mais sei servisu hamutuk ho liña ministerial, para bele haree hamutuk, situasaun sira ne'e, e durante ida ne'e mos ita-nia entervensaun ne’ebé mak ita halo depois de serka sanitária depous de mosu tan inundasaun, entaun ita apoiu hela la'os de'it katak ba hahan”, dehan nia.(*)
