"Inundasaun ida ne'e fó impaktu ida ne'ebé aat tebes, intermus de kauza Ita-nia sistema bee-moos sira iha Dili kuaze 50% aat ou damage", dehan mia ba Jornalista www.tempotimor.com iha nia kna’ar, tersa (20/04)

Ida ne'e hanesan rezultadu nivel servisu ka nivel fornesimento bee ba komunidade sira iha Dili laran tun to’o pursentu 65 la asesu bee, tanba sistema sira ne'e hetan estragu.

"Sistema sira ne'ebé aat née karik ita tau iha osan, ita kuaze lakon osan maiszumenus 2.7 milhões resin maibé agora saida mak ami halo durante ne'e, intermus de oinsá ita bele fornese bee no saneamentu ba ita-nia komunidade sira, intervensaun sira hanesan urjente mak ami instala tanke bee-moos iha Bairu Bairu, pois karreta tanke ba ense iha area ne'ebé ami seidauk konsege instala tanke bee-mos, ami haruka karreta lori bee ba para depois sira kuru direita husi tanke", relata Prezidente Bee TL

Depois loron haat primeiru, sira konsege reabilita, bomba sanulu no semana ida liu loron rua ka tolu, konsege reabilita bomba hotu iha Dili laran,

"Iha Dili iha 26 bomba, ita konsege reabilita hotu agora funsiona fali ona, ida de'it mak seidauk funsiona ne'e iha área Kamea ninian", dehan nia.

Tanba ne’e, komunidade Sira ne’ebé hela besik durante ne'e, hetan bee husi bomba sede suku Kamea nian no to'o agora sira seidauk bele asesu fali, tanba bomba sei avaria hela, maibé servisu bee Timor-Leste sei esforsu atubele hadi’a.

"Intermus hanesan kapasitasaun ita iha neen, rua mak rekupera ona, ne'e mak ida iha Benemauk, Bekora Mota-Ulun ho sistema kiik ida besik Lahane mai iha ospital Lahane, haat seluk ita seidauk rekupera”, esplika nia.(*)