"Porsesu horseik Konsellu Administrasaun husi Fundu Infraestrutura ( KAFI) aprova ona, tuir justifikasaun tékniku, dezeñu iha ona ita hein avansa de’it, preparasaun atu halo reparasaun, agora restante servisu seluk ne'e ita normaliza uluk”, dehan Salvador iha Parlamentu Nasionál Dili, tersa (20/04).

Mesmu situasaun emerjénsia maibé tuir lei aprovizionamentu tenke justifika tékniku, nune'e primeiru faze inportante mak normalizasaun.

"Agora identifikasaun la’o hela, ne'e mak preliminaria ida ha’u mai relata iha ne'e (PN) 250 milhões, agora depois normalizasaun ita tenke analiza depois fó fali planu mitigasaun ida ne'ebé hari’i ho di’ak atubele situasaun normal, signifika katak ho situasaun emerjénsia ita hari’i fali laho kualidade, ida-ne'e mak labele”, dehan Salvador.

Liga ho estrada balun ne'ebé mak pertinente hanesan Pantai-kelapa, MOP inisiu kedan prepara ona dezeñu tanba área ne'ebá labele normaliza maibé tenke fixu kedan tanba estrada prinsipal.

"Agora ne'e ami foka liuba área sira ne'ebé ita-nia populasaun ne'e, ezemplu estrada Pantai-kelapa ita sei iha Rute aternativa sira hanesan fatuhada, tanba momentu serka sanitária ami hanoin katak trafiku sei menus hela tanba ema barak seidauk ba servisu”, afirma ina.

Entertantu, inundasaun ne'ebé akontese rezulta totál 52 sitiu estragu hanesan estrada 22 sesaun, ponte 8, moru retensaun hamutuk 20 resin, liña eletrisidade 29 no 23 mak rekopera ona, estasaun bee-mos hamutuk 26 iha Dili ho estimasaun osan hamutuk millaun US$225.(*)