Ho insidente ne'ebe akontese iha tuku 18:00otl bainhira ekipa médiku hakat ba evakua pasiénte covid-19 na’in-rua husi kuarentena Polo ba izolamentu, maibé ikus mai lakohi koopera malu no pasiénte balun reforsa husi família hakanek médiku na’in-ida iha parte oin to’o suku pontu rua.
Ba kestaun ne'e Xefe Bankada KHUNTO, Olinda Guteres hatete, ho akontesimentu ne'e tenke toma responsabilidade husi Polísia Nasional Timor-Leste (PNTL) hodi bele loke investigasaun.
"Ita-nia lei iha, ne'e responsabilidade ba polísia, husu ba polisia sira atu halo kapturasaun ba suspeitu sira, nomós investiga”, dehan nia ba www.tempotimor.com iha Parlamentu Nasional, tersa (20/04).
Maske Polisia iha responsabilidade tomak atu ezekuta lei, maibé polisia mós tenke kuidadu labele ba kaer ema arbiru.
"Labele hanesan foin dadauk akontese, ha’u rona dehan katak iha komoro ne'ebá ema seluk halo problema tama fali ema seluk nia uma entaun kaer fali ema uma nain, entaun ne'e la dun loos”, fó hanoin.(*)