"Organiza eventu atu proteje moris no fini kamponezes nian, kamponezes nia direitu, diretu ba traballador migrantes, ai-han lokal, ekolojia, politika publiku ba soberania ai-han", deklara Prezidente MOKATIL Nasionál, Helio Dias da Silva, liuhusi komunikadu imprensa, segunda (19/04).
Maibé, iha kestaun daruak nia mak, asaun simbolika ba solidaridade, hatudu filme, debate públiku, dapur komunidade iha fatin nakloke, merkadu ba kamponezes no doasaun ai-han iha sidade ka iha komunidade mak sai nu’udar asaun ne'ebé sira hakarak atu halo.
"Ita marka tinan 25 ba luta kamponezes nian ba soberania ai-han mai ita halo aniversáriu ida ne'e nu’udar momentu ida ne'ebé forte ba ita-nia solidaridade no hari’i hamutuk buat ne'ebé ita define nu’udar soberania ai-han no tansa ita hanoin katak ida ne’e mak akuradu no relevante liu hodi hatudu dimensaun hothotu ba soberania ai-han nian nu’udar alternativa ba Sistema ai-han kapitalista”, relata nia.
Enkuantu, iha tinan 1996, iha Simeira ai-han Mundial La Via Campesina tau liafuan ba iha nia vizaun hodi kontra industria kapitalista ne’ebé destrutivu hodi hamosu hamlaha, desigualidade nomós krize klima hodi defini soberania ai-han.
Entertantu soberania ai-han nu’udar ema nia direitu autonoma atu produz ai-han ne'ebé saudável, nutritivu, klimatikamente no kulturalmente apropriadu uza rekursu lokál ho dalan agroekolojia, ba dalahuluk hodi atende nesesidade ai-han ba sira-nia komunidade.(*)