Ekipa médiku ne'ebe fó vasina ne'e mai husi Sentru Saúde Formoza II, iha parlamentu nasional.
Doutor Sentru Saúde Formoza II, Romit Bras esplika, vasina AstraZeneca ne'e nia reasaun mak aumenta ema nia imunidade atubele hadook husi moras at covid-19.
Aleinde mós vasina ne'e rasik sei ajuda tebes ema hirak ne’ebé hetan moras hanesan króniku.
Tanba ne'e husu deputadu no funsionáriu hotu iha PN, lalika tauk atu tuir vasina AstraZeneca .
"Ha’u husu para ita-boot sira, lalika tauk atu simu vasina AstraZeneca”, dehan nia iha Parlamentu Nasional (PN) segunda (19/04).
Maske sei aumenta ema nia imunidade, maibé vasina ne'e rasik mós sei halo ema bulelu hanesan isin manas, bee doko, ka moras sira seluk, durante loron tolu, hafoin bele rekupera.
"Ida ne'e babain ona, ema ne'ebe vasina sempre hetan ida ne'e”, hatete nia.
Enkuatu deputadu bankada UDT, Francisco David sai ema dahuluk ne’ebé simu vasina iha PN.(*)
