Naha hirak ne'e mak hanesan ekipamentu protesaun COVID-19 no apoiu umanitáriu ba vítima inundasaun iha Timor-Leste.
Tuir informasaun ne’ebé www.tempotimor.com asesu liuhusi Autoridade Aviasaun Sivil Timor-Leste (AACTL), katak dokumentu voo Aviaun Royal New Zelandia Air Force submete ba AACTL iha loron 15 fulan-abril, ne’ebé mak rejistu ho númeru 292.
Aleinde dokumentu hirak ne'e, hetan ona aprovasaun husi AACTL iha loron 17 fulan-abríl tinan ne'e.
Karta lisensa ne’ebé fó sai husi Ministériu Transporte Telekomunikasaun, Autoridade Aviasaun Sivíl, Diresaun Seguransa Operasaun katak aviaun refere sei lori ekipamentu protesaun COVID-19 nian no sasán esensiál ajuda umanitáriu ba vítima inundasaun, (Delivering Essential humanitarian supplies to support flood response efforts)’.
Iha karta lisensa voo aviaun nian (Fligth Approval) ne’ebé asesu husi Autoridade Aviasaun Sivil Timor-Leste (AACTL), Aviaun fefere sei sai husi Aeroportu Komoro-Dili ba Whenuapai-Nova Zelándia iha tuku 13:25 otl. (*)