Print this page

Governu apoiu Umanitáriu ba Vítima Inundasaun 1760 iha Tasi-Tolu

Autoridade sira simbolikamente entrega apoiu umanitariu ba komunidade Tasi Tolu, Sabado (17/4) Autoridade sira simbolikamente entrega apoiu umanitariu ba komunidade Tasi Tolu, Sabado (17/4) Foto Tempo Timor

Tempotimor (Dili) - Governu liuhusi Sekretáriu Estadu Protesaun Sivíl (SEPS) apoiu ona hahán umanitáriu ba vítima inundasaun hamutuk 1760 iha Tasitolu Aldeia 12 de Outubru, suku Komoro.

Sekretáriu Estadu Protesaun Sivíl (SEPS), Joaquim Jose Gusmão dos Reis Martins hatete, apoiu ne'ebe governu oferese liuhusi operasaun sivíl, tuir padraun polítika dezastre naturál nian.

"Ita-nia objetivu ida ohin ne'e para atu fo apoiu ofisial husi governu. Apoiu ne'e atubele komesa ona, ita kontinua ita-nia moris lorooron nian," dehan nia hafoin distrubui hahán ba populasaun iha Aldeia 12 de Outubru, Tasi Tolu, suku Komoro, sábadu (17/04).

Husi sasán hirak ne'e la'ós mesak husi governu de'it, maibé apoiu mós husi parseiru sira, embaixada, ajensia espesializadas ONU, ONG Internasional, nomós setór privadu sira.

"Ne'ebe mak fo tuir ba sentru de operasaun dezastre nian ne'ebe mak situadu iha ita-nia protesaun sivil,"hatete nia.

Husi sasán ne'ebe atu distribui iha oin rua, ida mak hahán, no rekursu kona-ba atu utiliza nian.

“Apoiu ida ne'e tarde oituan, tanba buat sira ne’ebé mak fó tenke to'o iha nia nain, se lae iha sorin ne'eba balun hetan no balun la hetan," dehan nia.

Ho apoiu ida ne'e SEPS fiar katak, bele responde ona populasaun sira atu kontinua moris, ho ida ne'e neneik bele hadi’a no bele haree fatin ruma bele ba hela.

Iha fatin hanesan komunidade Albino Maia do Ceu agradese tebes tanba bele hetan ona apoiu husi governu liuhusi SEPS.

"Ha’u fiiar katak ami bele han to'o semana”, dehan nia.

Apoiu hirak ne'e mak hanesan fós, Supermi, Bimoli, Sardina Lata, Susu-ben, Tasu, Sanan, Lona, Manta no apoiu seluk tan.

Tasi Tolu fatin ne'ebe spfre maka'as husi Inundasaun iha inisiu fulan Abril ne'e tan ba uma barak maka be'e tama hodi halo populasaun barak evakua ba fatin seguru. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items