Embaixadór Austrália iha Timor-Leste, Peter Roberts hateten, Austrália prontu ona atu apoiu vasina ba povu Timor-Leste hothotu.
"Ha'u ko'alia ho Primeiru Ministru, Covid-19, no vasina, ha'u konfirma katak, Austrália prontu atu fornese vasina husi Austrália nia armajen rasik, atu suporta prosesu vasinasaun iha Timor-Leste", afirma nia hafoin sorumutu ho Primeiru Ministru, Taur Matan Ruak iha palásiu governu, kuarta (14/04).
Tanba ne'e, ekipa husi parte sira-nian ko'alia ho Ministériu Saúde, no tekniku iha Timor-Leste, oinsá atu deskute asuntu ne'e klaru liután.
"Sim, Austrália mós apoiu osan liuhusi Austrália nia programa dezenvolvimentu iha área saúde”, haktenik nia.
Austrália mós prontu servísu hamutuk ho Timor-Leste atu povu hotu bele asesu vasina.
“Austrália prontu servísu hamutuk ho Timor-Leste atu asesu pursentu 80”, esklarese.
Nune'e, parte nia mós hakarak simu vasina, bainhira vasina AstraZencas ne'ebé fornese husi Austrália mai Timor-Leste.
“Ha'u mós hein vasina ne'e, tanba ha'u hakarak simu", nia afirma. (*)