Governu Koreia Kontribui Rihun US$100 Ba Dezastre Naturál iha TL

By Tempo Timor April 14, 2021 1172

font size decrease font size increase font size
Print
Email

Embaixador Korea, S.E. Kim Jeongho no Direitor KOICA, Cha Eunju entrega ajudu husi governo Korea no povu Koreano iha Timor-Leste ba Secreattio de Estado Proteccao Civil, S.E. Joaquim Martins, iha loron Quarta (14 de Abril) iha edificio SEPC, Caicoli. Foto Suplai

Tempotimor (Dili) - Governu Korea kontribui (Rihun US$100) 100,000 dólar amerikanu nu’udar assisténsia umanitária liuhusi The United Nations Development Programme (UNDP) ba Timor-Leste atubele ajuda prosesu rekoperasaun ne’ebé kauza husi desastre naturál akontese iha Dili no Munisípiu seluk iha loron 4 fulan-abril tinan 2021.

Ajuda umanitária ne’e entrega direitamente husi Embaixadór Korea, Kim Jeongho ba Sekretáriu Estadu Protesaun Sivíl, Joaquim Martins.

Husi ajuda ne’e, Embaixada Korea espera bele kontribui atu mantein dignidade umanu vítima desastre naturál no ajuda Timor-Leste bele rekupera lalais.

Durante ne’e ajénsia kooperasaun internasional Korea, Korea International Cooperation Agency (KOICA) halo mós ajudu umanitária hanesan, fornese bee-mos, lensol no hand sanitizer ba refujiadu sira iha Dom Bosco-Komoro.

Embaixadór Kim Jeong hatete inundasaun foin lalais ne’e kauza ema mate no sasán barak tebes. Nomós governu Timor-Leste solisita ba parseiru dezenvolvimentu sira atu apoiu.

“Governu Korea deside atu apoiu 100,000 ba Timor-Leste. Espera apoiu ne’e bele hakmaan governu Timor-Leste hodi rekupera estragu sira. Dala ida tan, Embaixada Korea mantein nafatin kompromisiu atu ajuda Timor-Leste”, dehan Embaixadór Kim liuhusi komunikadu imprensa ne’ebé www.tempotimor.com asesu iha loron kuarta (14/04).

Embaixada Korea servisu hamutuk ho empreza no komunidade Korea iha Dili apoiu mós normaliza dalan, fornese bee-mos, no apoiu nesesidade báziku ba refujiadu sira iha sentru akollamentu sira. (*)

Rate this item

(0 votes)

« PN Ejize SEPS Apoiu Populasaun Buka Mate Isin Konsidera Iregularidade Governu Obriga Prezidente CNRT Foti Asaun »

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com