Ministru Prezidensia Konsellu Ministru Fidélis Leite Magalhães hatete, mobilizasaun internasionál ne'e ho hanoin atu responde ba impaktu husi inundasaun ne'ebé estragu buat barak.
"Konsellu Ministru mós ohin aprova atu Timor-Leste mobiliza apoiu internasionál ba ita nia esforsu hodi bele halo rekoperasaun hafoin inundasaun iha dia 04 ", dehan nia iha Palásiu Governu, kinta (08/04).
Ho ida ne'e, Ministériu Negósiu Estranjeiru no Kooperasaun (MNEK) mak sei koordena ho nasaun sira seluk hodi apoiu internasionál mai Timor-Leste.
Kona-ba tipu apoiu internasionál mai Timor-Leste ne'e, depende ba nasaun sira ne'ebé atu fó.
"Governu Timor-Leste dehan de'it, depois deklarasaun ba situasaun kalamidade, ita loke para atu simu, mobiliza apoiu internasionál lori mai ita-nia rain, tipu de apoiu ne'ene depende ba paíz sira ne'ebé hakarak atu fó, balun atu fó tekniku, rekursu osan, ita la temi tenke apoiu hanesan ne'e, ou apoiu hanesan ne'eba", afirma nia. (*)