PN Husu Governu Rektifika OJE 2021 Atu Apoiu Vítima Inundasaun

Ponte Bekora ne'ebe sai fator ba inundasaun iha parte Sabraka Laran, Kulau, Hudi Laran, Klak Fuik, suku Bekora no Terminal ho Lases husi Suku Kamea, Domingo (4/4) Ponte Bekora ne'ebe sai fator ba inundasaun iha parte Sabraka Laran, Kulau, Hudi Laran, Klak Fuik, suku Bekora no Terminal ho Lases husi Suku Kamea, Domingo (4/4) Foto Arkivu

PN Husu Governu Retifika Orsamentu Apoiu Vítima Inundasaun

Tempotimor (Dili) - Deputadu bankada parlamentar iha Parlamentu Nasional (PN) propoin ba governu atubele aumenta tan orsamentu balun ba iha Rektifikasaun Orsamentu Jerál Estadu (OJE) 2021, nune'e la'os de'it Rektifika hodi hatan ba fundu Covid 19 maibe mos aumenta osan atu apoiu nesesidade vítima inundasaun iha timor-leste.

Udan no anin boot ne’ebé akontese durante loron 3 to'o 4 fulan-abril, fó impaktu maka’as iha kapitál Díli, halo populasaun kuaze rihun sai refujiadu, no hamate ema, estraga ema nia sasán barak no estraga mós infraestrutura públiku.

Sekretaria meza Parlamentu Nasional, deputada Lídia Norberta haktuir, dadaun governu aprezenta ona orsamentu retifikativu ba PN.

Maibé, PN liuhusi líder bankada konvoka reuniaun ho Ministru Asuntu Parlamentar no Komunikasaun sosial (MAPKOMS), atubele hato'o ba governu, katak presiza konsidera mós kestaun solidaridade ba vítima inundasaun iha proposta retifikativu OJE 2021 nian.

"Governu aprezenta ona retifikativu, tanba ne'e parlamentu nasionál hanoin katak governu presiza haree oinsá mak ita bele mós aloka orsamentu balun ba rekopera filafali kondisaun moris povu nian nomós infraestrutura ne’ebé mak sai hanesan destroisaun boot husi akontesimentu udan boot ne'e”, dehan nia ba www.tempotimor.com iha PN, kinta (08/04).

Dadaun governu propoin ona orsamentu tokon US$223 mak atu hetan retifikativu husi oOrsamentu Jerál Estadu 2021, hodi tau iha fundu covid-19, tanba bazeia ba númeru covid-19 ne’ebé sa’e maka’as iha TL.

“Proposta orsamentu retifikativu ne'e rasik seidauk iha deskusaun, mosu tan ona inundasaun iha 4 de abril, ne’ebé afeta ema hotu, ho nune'e mak orsamentu rerifikativu ne’ebé mak mai, mesmu ninia objetivu inisial ne'e mak ba covid, maibé agora iha orsamentu retifikativu ne'e mós tenke haree oinsá bele aloka tan orsamentu balun ba atende situasaun seias ne’ebé mak akontese”, dehan nia.

Ho dezastre boot hanesan inudasaun ne’ebé mosu, sai problema boot ida, ne’ebé halakon uma komunidade, halakon sasán no ropa hatais nian, no hamlaha ba hahán.

Buat hirak ne'e mós bele provoka komunidade ba moras, tanba ne'e governu presiza akumola hotu buat sira ne'e iha proposta retifikativu.

Ministru Asuntu Parlamentár no Komunikasaun Sosiál (MAPKOMS), Francisco Martins Jerónimo hatete, dadaun governu simu ona rekomendasaun husi parlamentu nasional atubele haree filafali proposta retifikativu ho montante tokon US$223.

Tanba orsamentu retifikativu ne’ebé mak mai, ida ne'e tau de'it ba fundu covid, entaun presiza mós oinsá mak atubele haree mós ba situasaun dezastre naturál ne’ebé akontese iha loron 4 fulan-abril ne'e.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter