Tanba, sidadaun ne’ebé iha hela izolamentu la hetan autorizasaun atubele la’o iha fatin publiku, maibé iha ona rezultadu teste negativu bele livre.
“Normálmente ita kuandu tama iha kuarentina médiku sira teste, sé teste mak nia nafatin (pozitivu), nia aumenta loron, dalaruma bele 20 ou 30 dias, ne'e depende, mais kuandu laiha ona, nia sai ona, hanesan kazu Bou Maimori nian, tanba di'ak ona ita labele sulan nia bei-beik, tantu nia ou kualker ema ida, di'ak ona, sai ona", deklara PM Taur hafoin reuniaun ho Prezidente Repúblika Francisco Guterres ‘Lú Olo’ iha ninia rezidénsia Farol, kinta (08/04).
Haree ba Naimori Bucar ne'ebé komfirmadu moras Covid-19 iha loron 28 fulan-marsu, no rekopera fali iha loron 07 fulan-abríl tinan 2021. Maske seidauk to'o loron 14, maibé rekopera ona husi moras Covid-19, tanba rezultadu este SWAB ne'ebé hala'o dala rua hatudu rezultadu negativu.
Xefe Governu mós esplika, bainhira sidadaun ida mak viola regra prevensaun Covid-19, hanesan mós Naimori tenke tama ona kadeia, maibé la viola regra mak livre hela.
“La viaola, viola karik dalaruma iha tiha kadeia ona, la ba kadeia ne'e, tanba la viola”, dehan PM Taur . (*)