Governu Korea deside ona atu loke fali fronteira ba traballadór Timoroan liuhusi Reunião Central Controla Moras ne’ebé halo iha tempu balun liba.
Durante pandemia governu Korea simu de’it traballadór Timoroan ne’ebé mak antes ne’e servisu ona iha Korea, inklui traballadór na’in 49 ne’ebé foin lalais arangka ba Korea.
“Ami, hamutuk ho Ministerio dos Negoçios Estrangeiro e Cooperação (MNEC), Secretario de Estado Formação Profesional e Emprego (SEFOPE) durante ne'e servisu maka’as atu haruka fali traballadór ba Korea. Ministra Adaljiza Magno no Direitór Jerál, Domingos Savio husi MNEC ho Sekretáriu Estadu Alarico do Rosario no Diretor Jerál Paulo Alves fó suporta maka’as durante prosesu ne'e la'o”, Embaixadór Korea ba www.tempotimor.com liuhusi Komunikadu Imprensa, kuarta (07/04.
Embaixador Kim mós hakarak hato'o obrigadu ba líder no Timoroan seluk ne’ebé mak fó mós sira-nia no atensaun ba programa EPS (Employment Permit System).
“Ami espera informasaun ida ne'e bele konsola Timoroan ne’ebé mak sei triste hela ho inundasaun ne’ebé akontese iha loron domingo kotuk”, dehan nia.
Embaixada Korea, liuhusi nia reprezentante HRD Korea, sei halo koordenasaun ho SEFOPE kona-ba detaillu hotu atu nune'e traballadór Timoroan foun bele ba Korea iha tempu badak. (*)
