Login to your account

Username *
Password *
Remember Me

CNRT 'Lakonkorda' Koa Saláriu Deputadu 21 Apoiu Umanitária ba Kbi'it La'ek

Membru PN husi Bankada Opozizsaun iha Plenaria parlamentu Nasional Membru PN husi Bankada Opozizsaun iha Plenaria parlamentu Nasional Foto Arkivu

Tempotimor (Dili) -Deputadu Bankada opozisaun Congresso Nacional de Reconstrução de Timorense (CNRT), José Vergilho 'la konkorda' atu koa saláriu deputadu 65, liliu deputadu 21 husi bankada CNRT nian atubele fó poiu umanitária ba povu kbi'it la'ek.

Deklarasaun ne'e hato'o husi deputadu, Jose Vergilho hodi responde ba ejizensia koa saláriu pursentu limanulu (50%) deputadu 65, ne’ebé levanta husi Xefe bankada KHUNTO Olinda Guteres iha plenária Parlamentu Nasional foin lalais.

Bankada CNRT sujere Parlamentu Nasionál, hakarak koa saláriu 50% hodi apoiu umanitária ba povu kbi'it la'ek, entaun koa mak saláriu deputadu 37 husi bankada apoiu governu nian, no deputadu 21 husi bankada CNRT ne'e kontinua mantein no labele koa.

"Se hakarak ko’alia iha plenária hanesan deputadu balun foti dehan katak koa deputadu nia osan, haruka koa nia bankada haruka koa nia osan, ami lae”, dehan nia iha resintu PN, segunda (05/04).

Ho Estesaun serka sanitária no Estadu Emerjénsia ne’ebé mosu hafoin Timor-Leste rejista tiha moras covid-19, durante tinan nia laran.

Situasaun hirak ne'e sai pior liután, wainhira tama fulan-fevereiru governu deside taka dalan hothotu halo komunidade barak mak laiha ai-han, no halo joven no estudante barak mak tenke obriga-an la'o ain husi dili ba Munisípiu ho ilegal.

Iha situasaun ida ne'e, Deputadu bankada CNRT mós halo kontribuisaun maka’as hodi akumula ai-han oferese ba kbi’it la'ek hirak ne'e.

"Agora joven sira halai sai, atu ba ida-idak ninia Munisípiu, polisia sira tahan, ami ba haree e sira agora balun hela iha Díli laran mós kuitadu hahán laiha, dala barak husu ba ami deputadu sira, fó kontribuisun, e ami halo, ami halo duni durante tinan ida nia laran hahú husi inundasaun iha tinan 2020 mai ne'e ami husi CNRT deputadu 21 ne'e ami fó ami-nia kontribuisaun ne'e, ami la hatete iha plenária”, dehan nia iha PN segunda (05/04).

Mesmu ho apoiu hirak ne'e, lakonsege hatete sai iha plenária laran, maibé deputadu 21 la hanesan deputadu sira seluk atu ko’alia de'it dehan koa osan maibé, realidade seidauk halo prátika hanesan ho Bankada CNRT.

"Fó duni ami-nia kontribuisaun, e kontribuisaun ida ne'e ami fó ba povu, ami la fó ba ami militante sira, maibé ami fó ba povu Timor tomak ne’ebé mak afeta liu”, dehan nia.

Nia hatutan kontribuisaun deputadu 21 nian halo so wainhira ema laiha liu ona kbi’it atu sustenta ba sira-nia vida. Ho susesu ida ne'e hatudu katak bankada CNRT sempre ajuda governu, hodi buka rezolve preokupasaun povu kbi’it laek nian.

“Ne’ebé mak laiha liu mak ami tulun, ne’ebé mak haree sei bele, ami rekomenda de'it ba governu para tau matan no haree, maibé agora governu halo ona saida”, kestiona nia.(*)

Rate this item
(0 votes)
Last modified on Thursday, 08 April 2021 07:50
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter