Sekretariu Jeral g7+ Helder da Costa informa, vizita kortezia ne’e atu bele hetan esplikasaun husi PR Lu Olo ba asuntu ho karater internasionál.
“Ami mai halo vizita kortezia ida ho sua exelensia prezidente, so mai informa de’it katak sei iha reuniaun liñas ministreriais nian iha Lisboa. Ami halo vizita kortezia hodi rona klarifikasaun no esplikasaun husi señor prezidente kona-ba asuntu ho karater internasional,” Helder da Costa, Sekretariu Jeral g7+, dehan ba Jornalista sira iha palásiu prezidensial Bairro-pite, Segunda (10/06/2019).
Nia dehan, nia parte mós informa ba PR Lu Olo kona-ba membru governu, deputadu no pesoal eminente Kay Rala Xanana Gusmão ne’ebé sei partisipa iha enkontru g7+ iha Lisboa.
Helder dehan tan, ba prozesaun nasaun Timor Leste nian iha nivel global hanesan pionéru, hanesan fundadór, ne'e duni iha reuniaun liñas ministeriais ne'e sei ko'alia kona-ba TL nia submisaun ba membru observadór iha ONU, liu-liu asuntu jurídiku kona-ba ratifikasaun karta g7+ ninian.
Entretantu, PR Lú Olo fó apoiu ba g7+ tanba g7+ hanesan orgaun inter-governamental ida ne'ebé iha aspeitu multilateralizmu, inklui prozeta mós imajen Timor Leste nian hodi bele implementa objetivu dezenvolvimentu sustentavel ne'ebé agora daudauk hala'o.