Haree ba udan boot ne’ebé akompaña ho anin iha loron 03 to’o 04 fulan-abril tinan 2021 hamosu ihundasaun iha Kapitál nasaun no halo komunidade kuze rihun mak afeta no uma kuaze atus mak naksobu, no iha balun lakon família.
Xefe estadu hakarak hato’o ba Povu tomak iha Timor-Leste, partikularmente iha kapital Dili, hothotu sofre dala ida tan ho dezastre boot ida, tanba udan boot durante oras hira nia laran hamosu inundasaun iha kapitál Díli.
“Prezidente Repúblika liuhusi mensajen ida ne’e hakarak hato’o nia sentidu pesame ba família sira ne’ebé lakon iha inundasaun ida ne’e no mós manifesta nia solidariredade tomak ba populasaun iha kapitál Díli no ba Povu tomak iha Timor-Leste”, dehan PR Lú Olo liuhusi mensajen ba vítima dezastre iha Palásiu Prezidente Bairopite, domingu (04/04).
Hein katak iha situasaun ida ne’e nia laran, Governu sei bele halo levantamentu ida atu hatene lolos dezastre ne’e fó prejuizu hira ba populasaun sira no mate hira ba populasaun sira.
“Iha informasoins ba dalauluk hatete na’in-sia mak mate, bele liután ida ne’e. Maibé Governu sei halo levantamentu dadus atu hatene liután loloos no oinsá mak Governu haree atubele ajuda populasaun sira ne’e”, afirma Lú Olo. (*)