Login to your account

Username *
Password *
Remember Me

ANC-MTK Sertifika Gardamor Sai Fornesidór Ba ISP

Ministru Transporte Komunikasaun, José Agostinho da Silva *Klaran husi Karuk) intrega sertifikadu Lisensa ba Diretor Kompañia Guardanet, Eduardo Belo 'Gattot' iha edifisiu ANC-MTK Kaikoli Dili, Kinta (01/04). Ministru Transporte Komunikasaun, José Agostinho da Silva *Klaran husi Karuk) intrega sertifikadu Lisensa ba Diretor Kompañia Guardanet, Eduardo Belo 'Gattot' iha edifisiu ANC-MTK Kaikoli Dili, Kinta (01/04). Foto Tempo Timor

Tempotimor (Dili) - Governu liuhusi Ministériu Transporte no Komunikasaun (MTK) liuliu Autoridade Nasionál Komunikasaun (ANC) atribui primeiru sertifikadu no lisensa ba Kompaña Gardamor nu'udar fornesidór ba Internet Service Provider (ISP) iha Timor-Leste.

Ministru José Agostinho esplika, governu através ANC halo esforsu hotu hodi atribui lisensa no sertifikadu bazeia ba dekretu lei númeru 15/2012 nune'e bele formaliza ezistensia kompaña Gardamor nu'udar ISP iha Timor-Leste.

Sente kontente, tanba governu liuhusi MTK ataravez ANC nia papel oinsá mak fromalija ezisténsia kompaña ne'ebé durante ne'e presta ona sira-nia servisu hodi fasilita ajensia governu barak, sidadaun no estudante hotuhotu.

Governu mós oinsá fasilita entidade kompaña hotu ho regra nu'udar baze formaliza ba ezistensia kompaña sira mak dekretu lei númeru 15/2012, nu'udar mata dalan ba ANC iha artigu 30 sita rekezitu katak kompaña sira atu sai fornese ISP ba kliente tenke kumpri rekezitu sira ne'ebé sita iha artigu 30 dekretu lei númeru 15.

"Purtantu ohin ita entrega sertifikadu rezistrasaun ba Kompaña Gardamor, siknifika katak Kompaña Gardamor prense ona rekezitu admistrativa no tékniku ne'ebé mak dekretu lei númeru 15 artigu 30 atribui”, dehan nia iha nia-kna’ar fatin MTK-ANC, Kaikoli-Dili, kinta (01/04).

Ministru esplika, governu iha dever obrigasaun atu formaliza antes Kompaña presta dever obrigasaun servisu ba entidade hotu inklui Ajénsia governu sira.

“Ne'e pasu pozitivu ida, ohin sertifikadu ida-ne'e nia númeru mak 001 siknifika katak foin mak primeira vez hahú primeiru governu to’o mai VIII governu konstitusional foin primeira vez ita formaliza kompaña ida nia ezisténsia formalmente e kompaña ne'e mak Gardamor ISP. Lda”, deklara nia.

Diretór Kompaña Gardamor ISP.Lda ne'ebé hetan lisensa sertifikadu internet service provider (ISP), Eduardo Belo 'Gattot' hatete, sente kontente ho atribusaun sertifikadu no lisensa ne'ebé nia hetan foin Hetan liuhusi prosesu naruk.

Nune'e, Gattot rasik garante atu fornese internet ho kualidade di’ak inklui sei prense kritéria ne'ebé iha bazeia ba baze legal ne'ebé hato'o husi MTK-ANC hatur.

“Hanesan emprezáriu no investimentu seim pursentu Timoroan sente urgullu tanba depois 18 anos Timor hetan Independensia foin primeira vez lansa atribui lisensa ida ho tipu hanesan ne'e e depois urgullu liután ho nia númeru ne'e 001 depois independensia”, dehan Gattot.

Gattot esplika hanesan kompaña ISP sei prense rekezitu no Kritéria ne'ebé ANC fó no lisensa ne'ebé Gardamor hetan sei validu durante tinan tolu hahú husi fulan-marsu tinan 2021 to’o fulan-marsu tinan 2024.

Antes ne'e iha loron 14 fulan-Janeiru 2021, Polísia Nasional Timor-Leste (PNTL) liuhusi Servisu Investigasaun Kriminal Nasional (SIKN) ezekuta mandadu buska no detensaun husi Tribunal númeru 0166/20/PNSIK hasoru dirijentes Kompaña Gardamor no Metrolink iha fatin rua ne'ebé diferennte tanba deskonfia relasiona kazu Internet ilegal.

Hafoin liuhusi prosesu investigasaun ikus mai Tribunal Distrital Dili deside aplika Termus Indentidade Residensia (TIR) ba Jestór Kompaña Gardamor maibé prosesu investigasaun kontinua inklui aprejenta prioritika dala-rua kada semana. (*)

Rate this item
(0 votes)
Last modified on Thursday, 01 April 2021 19:19
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter