Login to your account

Username *
Password *
Remember Me

PN Aprova EE Dala-XII, CNRT Dúvida Obstákulu Governu

Plenaria Parlamentu Nasional Plenaria Parlamentu Nasional Foto Arkivu

Tempotimor (Dili) - Parlamentu Nasional (PN), kuarta (31/03) aprova pedidu Prezidente Repúblika (PR), Francisco Guteres "Lú Olo" kona ba estesaun Estadu Emerjénsia (EE) ba dala sanuluk-resin-rua (XII) iha Timor-Leste, ho votu afavor 49, kontra 0 no Votu abstensaun 14 husi Deputadu Bankada CNRT.

Nune'e, deklarasaun EE ba da-XII ne'e, sei hahú husi 00:00 oras, loron sábadu (03/04) no remata iha oras 23:59, loron domingu 02/05).

Medida ba Ezekusaun Estadu Emerjénsia 12 ne'e sei matein tuir pedidu Prezidente Republika, ne'ebé bazeia ba konstituisaun Republika.

Prezidente Parlamentu Nasional (PPN),
Aniceto Longuinhos Guteres Lopes fiar katak, ho aprovasaun EE ba dala sanuluk-resin-rua ne'e, governu sei ezeluta ho di’ak.

“Lei da autorizasaun da renovasaun deklarasaun estadu Emerjénsia ba dala XI aprovadu”, dehan nia hafoin finaliza debate renovasaun Estadu Emerjénsia ba dala sanuluk-resin-rua (XII) iha plenária Parlamentu Nasionál (PN), kuarta (31/03).

Maibé, Deputada bankada CNRT, Carmelita Caetano Monis hatete, nia parte duvida ho obstákulu governu nian, ne’ebé hatudu governu laiha kapasidade no laiha esperiensia hodi implementa lei atubele kombate Covid-19 iha TL.

"Senor primeiru ministru, ita halo bebeik estadu Emerjénsia ho hanoin atu kombate no halakon covid-19, maibe, ita-nia obstákulu, hanesan nafatin de'it, husi tinan kotuk até adata, obstaklus sira ne'e, hau hare husi relatoriu ministeriu saude nian”, afirma nia.

Iha relatóriu Ministériu Saúde hatete momos katak, prosesu aprovizionamentu la'o tuir lei rejime jerál, aprovizionamentu normal ne’ebé prezudika prosesu situasaun Emerjénsia .

Bankada CNRT konsidera sai obstakulu katak, governu laiha kapasidade tanba iha hela dekretu lei aprovizionamentu ne'ebe fó biban ba governu atu implementa aprovizionamentu espesial ka ajudikasaun direta ba situasaun Emerjénsia hanesan infraestrutura izolamentu, kuarentina, ekipamentu no medikamentu atu prevene maibé durante ne'e governu la halo ida ne'e.(*)

Rate this item
(0 votes)
Last modified on Wednesday, 31 March 2021 20:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter