Login to your account

Username *
Password *
Remember Me

KHUNTO Rejeita CNRT Akuza PJR Viola Lei

Deputadu Luis Roberto Deputadu Luis Roberto Foto arkivu

Tempotimor (Dili) - Bankada Kmanek Haburas Unidade Nasional Timor Oan (KHUNTO) iha Parlamentu Nasionál (PN) rejeita Deputadu husi bankada Congresso Nacional de Reconstrução Timorense (CNRT) ne’ebé akuza Prokuradór Jerál Republika viola lei, tanba define ona iha kódigu penal.

Deputadu Luis Roberto konsidera notifikasaun PJR ba deputadu CNRT 21 ne'e la viola lei inklui la kontra kodigu prosesu penál iha Timor-Leste.

Haree ba artigu iha kódigu prosesu penál, wainhira Ministériu Públiku la konsege identifika sidadaun sira-nia hela fatin bele fó notifikasaun iha fatin ne’ebé identifika.

"Bazeia ba notifikasaun filafali, iha artigu 90 ho 91 iha kodiku prosesu penal, iha ne'eba kuandu notifika sidadaun ida, ne'ebe maka la hatene ninia pradeiru ne’ebé sertu, bele notifika liuhusi ninia instituisaun ne’ebé nia servisu ba, ne’ebé ha’u hanoin ita-nia Prokuradór Jerál la viola no la kontra buat ida”, dehan nia iha plenária PN, segunda (29/03).

Tanba ne'e, husu nafatin ba deputadu sira atu kumpre ba justisa, liuliu kompeténsia Prokuradór Jerál ninian, no labele kestiona filafali kompeténsia.

Louva mós ba lala'ok justisa nian inklui Prokuradór Jerál Repúblika ne’ebé durante hala'o servisu hodi atende setór justisa iha rai laran.

Dankada CNRT, Carmelita Moniz Caetano konsidera, deputadu Luis Roberto la kompriende kódigu prosesu penal.

Tanba bankada CNRT husu pedido de nulidade da notificação, tanba bazeia ba artigu 92, 93, 104 husi prosesu kódigu penal, kona-ba notifikasaun uniforma.

"La tuir tiha ona notifikasaun nia formatura, ohin ita-boot temi, no ko’alia ne'e, tanba ne'e mak CNRT husu pedido de nulidade da notificação, tanba la tuir forma ida ohin ita-boot hatete ne'e, parese que ita-boot la le artigu 92 ne'e, e ami husu nulidade ne'e tuir artigu 93, inklui artigu 104, kona-ba nulidade sanavel”, dehan nia.

Wainhira Ministériu Públiku atu entrega notifikasaun ba sidadaun ida, ema ne'e rasik mak tenke halo asinatura.

Tanba ne'e, notifikasaun ba deputadu 21 liuhusi bankada CNRT, Ministériu Públiku tenke fó ba nain, tanba bankada CNRT ne'e hanesan organizasaun ida ne’ebé di’ak, funsionáriu no prezidente bankada mós hatene hotu deputadu 21 nia diresaun uma, inklui sira- nia paradeiru.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter