Print this page

Xanana ho Militante Nakonu iha MP

By March 29, 2021 11096
Simpatizantes ba Prezidente CNRT, Kay Rala Xanana Gusmao iha Jardim besik Ministeiru nia oin, iha Kolmera, Segunda (29/3) Simpatizantes ba Prezidente CNRT, Kay Rala Xanana Gusmao iha Jardim besik Ministeiru nia oin, iha Kolmera, Segunda (29/3) Foto Tempo Timor

Tempotimor (Dili) - Prezidente Partidu Congresso Nasional Re-konstrusaun Timorense (CNRT), Xanana Gusmão hamutuk ho militante sira nakonu iha Ministériu Públiku (MP) hodi reprezenta kuadrus CPN-CNRT nian..

Prezesa Líder Máximu Partidu CNRT iha MP atu akompaña membru Komisaun Politika Nasional (CPN) CNRT ba presta deklarasaun relasiona ho Mari Alkatiri nia keixa ba Ministériu públiku.

Xanana Gusmão to’o iha MP iha oras 08:55 otl ho karreta privadu ne'ebé para iha portaun entrada estrada liur MP, tun husi karreta Xanana ne'ebé mesak kaer ho pasta leba hakat neneik tama ba edifisiu MP iha Kolmera Dili, Segunda (29/03).

Husi observasaun www.tempotimor.com nota katak, prejensa Xanana iha MP hetan seguransa masimu hosi Polisia Nasional Timor-Leste (PNTL) ne'ebé ho armas kompleitu hosi Unidade Espesial Pólisia, Tranzitu no pessoal polisia balun.

Alende ne'e, iha mos militante, simpatijante ka grupu apoiu Xanana Gusmão mós hein iha Jardim Kolmera antes Xanana Gusmão to’o iha MP.

Dadaun ne'e, Xanana iha ona MP hodi akompaña kuadru Partidu ba presta deklarasaun iha MP.

Entertantu prezensa Xanana Gusmão iha MP relasiona ho notifikaun MP kona-ba keixa Sekretáriu jeral Fretilin, Mari Alkatiri ba MP kona-ba membru CPN-CNRT nian. (*)

Rate this item
(1 Vote)
Last modified on Monday, 29 March 2021 10:55
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com