Haree husu Kazu Pozitivu ne’ebé aumenta ona iha Timor-Leste, mak governu foti desizaun aplika serka sanitária no konfinamentu domisiliáriu obrigatóriu hodi suspende direitu balun no ejize atubele kumpri dever nu’udar sidadaun.
“Maibé tebes mós katak, iha tempu susar ida ne’e mak sidadaun ida-idak presiza hasa’e as liután ninia devér sira duke reklama direitu sira no hatudu-an nu’ udar sidadaun ho valór étiku, ho sivizmu ne’ebé hatene respeita no kumpre medidas saúde públika hatun hosi Governu”, hatete Prezidente Repúblika (PR), Francisco Guterres ‘Lú Olo’ iha ninia mensajen ba aniversáriu PNTL, sábadu (27/03).
Xefe Eatadu dehan, durante pandemia no izolamentu sosiál, liafuan prinsipál mak solidariedade no konfiansa.
Tanba, solidariedade katak fó liman ba malu, tulun malu atu hotu bele hakaat risku sira-ne'ebé asosia ho pandemia ho situasaun ida ne’e sidadaun sira tenke iha konfiansa ba instituisaun no haktuir medida foti husi Governu.
“Iha momentu krize nian, normal katak sosiedade sivíl reklama atu iha órden liután atu hatuur filafali konfiansa ba sidadaun sira no garante seguransa ba ita-nia ema no ita-nia komunidade”, afirma Lú Olo. (*)