Governu Propoin Kria Munisípiu no Postu Evita Fatin Izoladu

Ministru Administrasaun Estatal (MAE), Miguel Pereira de Carvalho Ministru Administrasaun Estatal (MAE), Miguel Pereira de Carvalho FOTO ARKIVU

Tempotimor (Dili)- Ministru Administrasaun Estatal (MAE), Miguel Pereira de Carvalho hatete, governu propoin halo sirkumskrisaun Adminustrativa ba Atauru, inklui Hatulia B no Lore atubele sai nu’udar opsaun ida ba governu hodi evita fatin izoladu sira.

"Governu propoin atu kria tan Munisípiu Atauru, nomós Postu Administrativu rua, ida iha Ermera mak Hatulia B, ida seluk mak iha Lautein, Postu Administrativu Lore, para ita bele fó solusaun ba kestaun, efeitu ho impaktu negativu husi insularidade husi fatin tolu ne’ebé komunidade sira hela iha fatin izoladu”, hatete nia iha PN, kinta (25/03).

Relasiona objetivu hirak ne'e, dadauk Ministru Administrasaun Estatal ho nia kometiva deside hala'o audénsia ho komisaun A trata asuntu Justisa no Konstituisional, atubele hato'o justifikasaun, ba proposta alterasaun lei númeru 11/2009 ne’ebé governu aprezenta ona ba Parlamentu Nasionál.

"Lei ne'e altera ba dala-rua, lei númeru 11/2009, lei ba divizaun administrativa do teritoriu ne’ebé iha proposta alterasaun ne'e, governu propoin atu kria tan Munisípiu no postu administrativu rua, ida iha ermera no ida seluk iha Lautein”, hatete nia.

Durante diskusaun, nia parte justifika pontu inportante rua objetivu kria Munisípiu Atauru nomós eskalaun, Hatulia B ho Lore, durante ne'e ladun hetan atendimentu públiku ne’ebé mak hala'o husi administrasaun públika .

Maibé iha kestaun ida seluk mós tanba geografikamente iha área sira ne’ebé mak husik hela ne'e bele iha ekilibru, atubele sira bele hetan rekursu umanu sira husi finanseiru ne’ebé mak di’ak liután husi administrasaun autoridade munisipal sira.

Prezidente Komisaun A Parlamentu Nasional, deputadu Joaquim dos Santos hatete, komisaun hala'o diskusaun ho Ministériu Administrasaun Estatal, hodi rona informasaun balun liga ho proposta alterasaun ne’ebé Ministériu ne'e aprezenta. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter