Print this page

KKMD 'Suspende' Kandidatu Ba Prezidente Autoridade Dili

Tempotimor (Dili) - Konselhu Konsultivu Munisipal Dili (KKMD) deside 'suspende' hodi la halo reuniaun ba kandidatu aprovadu sira hodi prienxe vaga Administradór Munisípiu Dili, tanba Kapitál nasaun kumpre hela serka sanitaria.

Ministru Administrasaun Estatal (MAE), Miguel Pereira de Carvalho, maske prosesu rekrutamentu ba prezidente autoridade Munisípiu dili konsege konklui ona, maibe Konselhu Konsultiva Munsipal Dili seidauk bele halo deskusaun tanba serka sanitária bandu ema labele halibur malu.

"Ami tenke konklui prosesu ida ne’ebé konsellu konsultivu munisipal Díli tenke reuni, hodi deskute ka ko’alia kona-ba kandidatus aprovadu sira, mais iha serka sanitária ne’e ema labele halibur barak iha fatin reuniaun sira entaun sira lebele reuni atubele deside ne’ebé ha’u hanoin bainhira serka sanitária termina mak bele realiza ida ne'e”, dehan nia iha Parlamentu Nasionál, kinta (25/03).

Maibé, Munisípiu haat seluk, hanesan Bobonaro, Ermera, Likisá, ho Manatutu, konsege finaliza ona sira-nia prosesu ba rekrutamentu.

Tanba ne'e, hein de'it grupu traballu tékniku intermenistrial, sei haruka kandidatura aprovadu sira ba Munisípiu haaat refere, pois sira realiza Konsellu Konsultivu Munisipal atu halo apresiasaun ba kandidatu aprovadu sira.

Aleinde karta apresiasaun ne'e sei haruka ba Ministériu Administrasaun Estatal hafoin aprezenta filafali ba Konselhu Ministru (KM) atu-ele hadi’a rezolusaun govenu, para halo nomeasaun ba kandidatura hira ne'e. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items