Ho akuzasaun falsu ne’e Embaixadór Republika Indonézia (KBRI) rejeita no hato’o ona keixa ba Polísia Nasional Servisu Investigasaun Kriminal (PNSIK/PNTL) hodi prosesa atetude sidadaun inmoral tuir lei iha Timor-Leste, tanba lori Embaixadór Indonézia nia naran hodi fó sai informasaun falsu iha mídia sosial facebook.
Tuir informasaun falsu ne’ebé Guterres Larigutu Ronald fó sai iha facebook ho lian Indonézia hatete: “Embaixador Indonesia : Tidak Ada Program Dan Pembangunan Di Timor Leste Dalam 5 Tahun Semenjak Presiden Francisco Guterres Dan Perdana Menteri Taur Matan Ruak Dilantik, Ditanbah Lagi Penganguran Dan Kemiskinan Meningkat Dan Inilah Yg Disebut Pemeruntah Gagal Hingga Akhir Masa Jabatan..”
Haree ba deklasaun falsu ne’ebé fó sai Embaixadór Indonézia (KBRI) liuhusi pájina ofisial iha loron kuarta (23/03) hatete, publikasaun ne’ebé lori Embaixadór Indonézia mai Timor-Leste, Sahat Sitorus ne’ebé share husi akun facebook ho naran Guterres Larigutu Ronald iha loron 23 fulan-marsu, 100% la los, falsu no Bosok.
KBRI mós husu atu públiku ignora informasaun falsu ne’ebé lansa. No KBRI hato’o ona informasaun falsu ne’e ba PNSIK/PNTL atu foti asaun no la’o tuir lei.
TuIr informasaun ne’ebé www.tempotimor.com asesu husi pájina KBRI, iha loron kinta (25/03) ho lian-Indonézia ho tituhlu boot hatete, NETIZEN KEMBALI MELAKUKAN FITNAH KEPADA DUTA BESAR RI SAHAT SITORUS.
“Postingan yang mengatasnamakan Duta Besar RI untuk RDTL, Sahat Sitorus yang dishare oleh akun facebook dengan nama Guterres Larigutu Ronald pada tanggal 23 Maret 2021 adalah 100% TIDAK BENAR, HOAX dan FITNAH. Mohon berita HOAX tersebut diabaikan. KBRI telah melaporkan berita HOAX tersebut kepada PNSIK / PNTL untuk tindakan dan langkah hukum selanjutnya”, deklarasaun iha pajina KBRI”. (*)