Login to your account

Username *
Password *
Remember Me

EUA Sei Oferese Aviaun Ida Mai Timor-Leste

Embaixadór EUA iha TL, C. Kevin Blackstone, hatan hela ho jornalísta nia pergunta, hafoin sorumutuk ho PM-TMR iha Palasiu Governu, kinta (25/03/2021). Embaixadór EUA iha TL, C. Kevin Blackstone, hatan hela ho jornalísta nia pergunta, hafoin sorumutuk ho PM-TMR iha Palasiu Governu, kinta (25/03/2021). Foto Tempo Timor

Tempotimor (Dili) - Governu Estadus Unidus Amérika (EUA) sei oferese aviaun ida mai Timor-Leste (TL), hodi fasilita Falintil-Forsa Defeza Timor-Leste (F-FDTL) sira hodi uza ba kontrola rikusoin Timor-Leste nian iha área tasi, iha tinan 2021.

Embaixadór EUA iha TL, C. Kevin Blackstone haktuir, iha tinan 2018 governu TL hato'o pedidu governu EUA atu halo reabilitasaun ba pista Aeroportu Baukau nian.

Nune'e, liuhusi diálogu defeza bilateral ba área defeza iha Havaí, EUA konsege aprova duni TL nia pedidu hodi halo rehabilitasaun ba aeroportu Baukau.

Tanba ne'e, prioridade ida ba Timor-Leste mak atu finaliza negosiasaun kona-ba dokumentu ne'ebé sei aprova hodi nune'e projetu rehabilitasaun pista Aeroportu ne'e bele avansa ona ba oin, ho apoiu orsamentu hamutuk tokon US$10-resin.

“Hari'i armajen nian hodi tau karreta Bombeiru, ida tan mak atu sosa ou fornese aviaun Sesna ida atu nune'e Timor-Leste bele uza ba halo patrullamentu ba ninia área marítima”, dehan Embaixadór EUA iha TL, C. Kevin Blackstone hafoin halo sorumutuk ho PM TMR iha Palásiu governu, kinta (25/03).

Programa asisténsia rua ne'e iha sinkroniza ka relasaun ba malu ho apoiu ne'ebé fó husi governu Austrália mai TL kona-ba ró patrullamentu nian hodi kontrolu rikusoin ihia tasi.

Apoiu ne'ebé EUA fó ba Timor-Leste tanba nasaun rua kompartilla ka fahe ba malu kona-ba valór no prinsípiu sira ne'ebé hanesan, ezemplu komprimisiu ba prosesu demokrátiku no dezenvolvimentu ekonómiku, diretu umanu no ba governasaun di'ak.

“Estadu unidus laiha, nein planu ida kona-ba futuru uzu ba aeroportu Baukau. EUA laiha nein planu ida kona-ba aeroportu baukau ne'e atu halo nusa. EUA laiha planu”, dehan nia.

Kampu aviasaun Baukau ne'e pertense ba TL nian, no desizaun saida de’it iha futuru kona-ba oinsá atu uza Aeroportu ka kampu aviasaun iha Munisípiu Baukau.

Maske, aviaun ne'e rasik dadaun sei iha hela prosesu konstrusaun laran, no tuir planu iha tinan 2021 ne'e nia rohan EUA bele haruka ona mai TL.(*)

Rate this item
(1 Vote)
Last modified on Thursday, 25 March 2021 18:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter