Print this page

Utiliza Osan Privadu, MNEK Halo Moe Estadu

Deputada Congresso Nacional de Reconstrução de Timorense (CNRT), Fernanda Lay iha Plenaria parlamentu Nasional Deputada Congresso Nacional de Reconstrução de Timorense (CNRT), Fernanda Lay iha Plenaria parlamentu Nasional Foto Arkivu

Tempotimor (Dili) - Bankada Congresso Nacional de Reconstrução de Timorense (CNRT) iha Parlamentu Nasionál, konsidera Ministériu Negosiu Estranjeiru no Kooperasaun (MNEK) halo moe de'it Estadu, tanba hatudu ninia ingnoransia ba ekipa konsuladu Timor-Leste nian iha Sidnei-Austrália, tanba hasai osan privadu hodi selu funsionáriu.

Deputada Maria Fernanda Lai hatete, Ministra nu’udar responsável ba Ministériu atu halo atendimentu ba preokupasaun hirak ne’ebé konsuladu sira hasoru, maibé labele hatudu fali ninia ingnoransia hodi fó sala fali ba konsuladu sira-nia konta bankaria.

Razaun dehan troka konta bankaria ne'e lalos, tanba konta bankaria ne'e konta ofisial estadu nian, laiha bembaixador ida atubele troka nia konta arbiru, wainhira la hetan autorizasaun husi Ministériu Finansa.

“Ita moe ka lae, agora ita hotu moe, ita to'o pontu ida ne'e ona, hau la'ós kritika mais nasaun sente estreinu, ita iha osan, nusa ita la gasta ita-nia osan. Ita ba haruka fali ema hasai osan privadu, ba selu funsionáriu”, kestiona nia iha Parlamentu Nasionál, kuarta (24/03).

Konsuladu Jerál Timor-Leste iha Sidnei, Luciano Valentim da Conceição mós fó sai katak, durante fulan haat ona, komesa iha fulan-novembru tinan 2020 to'o agora, nia utiliza de'it osan privadu hodi hala’o servisu diplomata ninian, tanba defende dignidade estadu iha rai liur.

Nia parte hamosu maineira hodi utiliza osan provadu, tanba lakoi hamonu imajen nasaun Timor-Leste nian iha Austrália, tan de'it problema pagamentu administrasaun ne’ebé tarde.

Maske, iha fulan-fevereiru no fulan-marsu nia laran simu informasaun katak osan bens servisu iha fulan-novembru no dezempru konsege manda ona ba, maibé iha misaun rua mak problema ba konta bankária mai hanesan ho misaun ida husi Estadus Unidus Amerika, karik Nova Iorke ka Washington, la hatene tanba misaun rua mak iha Estadu Unidus Amerika.

Maibé foin dadaun sira halo ona komunikasaun ba Sekretáriu Jerál katak fulan-novembru ho dezembru ne'e bele hatama de’it ona tanba osan filafali ba kofre estadu.(*)

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items