Númeru pasiénte Covid-19 ne’ebé kontinua sa’e loroloron fó impaktu ba ekonomia rai laran, tanba governu deside aplika serka sanitária no konfinamentu domisiliáriu obrigatóriu, hodi diminui movimentu iha Kapitál nasaun no Munisípiu sira seluk.
"Loja-nain sira atu labele aproveita tempu susar ne’e no hasa’e folin ba sasan sira ne’ebé Povu presiza loron-loron”, dehan Lú Olo iha Palásiu Prezidensiál Barru Pité, sesta (19/03)
Maibé, husu autoridade públiku sira atu trata ema hothotu hanesan. No autoridade seguransa tenke hatudu tratamentu hanesan ba ema hotu.
Tenke aplika regra ba ema hothotu, labele haree ba ema nia estatutu politiku, sosial ka ekonémiku.
“Lei ba ema hothotu. Labele més hatudu tratamentu ba ema ho maneira ne’ebé Lei la hatetene”, haktuir PR
Tanba Estadu hatuur ona nia Lei no regra ba povu nia moris. Maske lei no regra lao ho nia exepsaun, hothotu tenke kumpre.
Bainhira ema ka grupu viola regra, autoridade kompetente tenke barani foti medida tuir lei no medidane’ebé hatuur ona, atu ida-idak bele hasees-an husi moras at ne’e.
"Husu atu Governu tau matan di’ak liután ba pesoál sira hotu ne’ebé halo servisu iha liña-oin hodi ita bele luta ho susesu hasoru Moras at ne’e”, haktenik PR.(*)