Login to your account

Username *
Password *
Remember Me

CNRT Konsidera Notifisaun Ba Deputadu 21 La Tuir Kritéria

Deputada Carmelita Monis Caetano iha Plenaria Parlamentu Nasional Deputada Carmelita Monis Caetano iha Plenaria Parlamentu Nasional Foto Arkivu

Tempotimor (Dili) - Bankada Congresso Nacionál de Reconstrução de Timorense (CNRT) iha Parlamentu Nasionál (PN) konsidera karta notifikasaun husi Ministériu Públiku ba Deputadu 21 la tuir kritéria iha kódigu prosesu penal.

Deputada Carmelita Monis Caetano hatete, iha loron 15 fulan-marsu tinan 2021 Ministériu Públiku (MP) notifika ona deputadu CNRT 21 nu’udar arguidu ligadu ho keixa husi Sekretáriu Jerál Partidu Frente Revolusionáriu Timor-Leste Independente (FRETILIN), Mari Alkatiri.

Maibé, notifikasaun ne’ebé MP haruka ba Bankada CNRT ne'e seidauk prienxe rekezitu bazeia ba prosesu kódigu penal ne’ebé haruka.

Iha notifikasaun MP ne'e hatete, notifika ba sidadaun individu maibé la'ós ba deputadu 21 husi bankada CNRT .

Tanba ne'e, CNRT haruka hikas ona karta reposta nune'e husu ba Ministériu Públiku atu anula sira-nia notifikasaun ne'e.

"Enfelismente horseik ami konklui ami-nia resposta ba notifikasaun ne'e, e ohin ami haruka ona ba prokurador titular do prosesu, ne’ebé notifika ami, se Prokurador Jerál da Republika, ami husu nulidade de notifikasaun, tanba notifikasaun ne’ebé hato'o mai ami ne'e, la tuir kritériu ne’ebé hatur iha ita-nia kódigu prosesu penal”, dehan nia iha Parlamentu Nasionál, sesta (19/03).

Maske, notifikasaun MP, entrega ona ba deputadu 21 husi bankada CNRT ninia liman, maibé husu atu MP halo nulidade de notifikasaun, tanba konsidere notifikasaun ne'e ba ema babain, la'os ba deputadu no deputada sira.

Husu atu notifikasaun tenke entrega ba nia na'in nomós tenke hetan asinatura husi ema ne’ebé simu notifikasaun ne'e.

"Se fó ha’u entaun tenke buka ha’u para entrega ba ha’u mak tenke simu, la'ós hanesan sira-nia maneira ne’ebé haruka, lori notifikasaun ne'e ba bankada CNRT, fó ajenda naruka ida depois ami-nia funsionáriu ida de'it mak asina ajenda ne'e, e sira lori fila ona, ne'e la prienxe rekezitu legál”, afirma nia.(*)

Rate this item
(0 votes)
Last modified on Friday, 19 March 2021 17:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter