PD La Konkorda Serka Sanitária Iha RAEOA, CNRT Propoin Taka Fronteira

Deputadu PD, Adriano Nasimento iha Plenaria Parlamentu Nasional Deputadu PD, Adriano Nasimento iha Plenaria Parlamentu Nasional Foto Arkivu

Tempotimor (Dili) - Bankada Partidu Demokratiku (PD) iha Parlamentu Nasionál la konkorda atu aplika serka sanitária ba Rejiaun Administrativa Espesial Oekussi Ambeno (RAEOA), maibé Bankada Congresso Nacional de Reconstrução de Timorense (CNRT) sujere di’ak ba governu atu taka fronteira.

Deputadu Adriano do Nacimento hatete, la presiza tau serka sanitária, tanba kazu pozitivu covid-19 na’in-ida ne’ebé mosu iha RAEOA ne'e nu’udar kazu inportadu husi nasaun Indonézia maibé la'ós transmisaun lokál.

"Sim ha’u hanoin la presiza tanba nia izola keda kuandu tama mai iha Oekusi, se ida ne'e inportadu signifika nia tama kedan iha kuanrentina mak mosu ha’u hanoin doutor sira mós hatene ona, ita preve mak ida mosu iha komunidade nia let ne'e, se hanesan lori malu mak hadaet ba malu ne'e ha’u hanoin governu tenke halo asaun para labele da'et ba seluk”, dehan nia iha Parlamentu Nasionál, kinta (18/3).

Deputada bankada CNRT, Lucia Taeki hatete, tuir informasaun ne’ebé nia hetan, katak kazu ida ne'e nu’udar kazu inportadu, ne’ebé tama husi dalan legál.

"Sim, ha’u mós horseik rona dehan pozitivu ida, no dehan ne'e la'ós transmisaun lokál, maibé inporta husi ema Indonézia, ne’ebé mak nia tama husi dalan legál, e nia iha kuarentina, entaun ita hatene katak iha oekusi ne'e la'ós iha transmisaun lokál, maibé inportadu”, dehan nia.

Tanba ne’e, Autoridade RAEOA no povu oekusi labele fó oportunidade ba sidadaun Indonézia tama mai sira nia área hanesan Napani, Passabe, Nartuka, Inklui Sakato,

Maibé, REAOA tenke nafatin la'o tuir protukolu ne’ebé mak WHO fó tiha ona, hanesan uza máskra, destansiamentu sosiál, fase liman wainhira sai husi uma.

"Atu fó hanoin mós ba Autoridade RAEOA atu halo serka sanitária ba fronteira, liuliu iha Napani, Passabe, Nartuka, no iha Sakato, labele fó livre demais ba ema tama sai”, afirma nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter