Governu Korea Proteze Timoroan Servisu Ilegál

Teste Fiziku ba kandidatu traballador sira antes ba serbisu iha estranjeiru Teste Fiziku ba kandidatu traballador sira antes ba serbisu iha estranjeiru Foto Suplai

Tempotimor (Dili) - Sekretáriu Estádu Formasaun Profisionál no Empregu (SEFOPE) durante ne’e esforsu atu evita traballadór timoroan ilegál iha nasaun Korea Sul, maibé governu iha nasaun refere proteze ema kontinua servisu.

Diretór Nasionál Empregu Esteriór SEFOPE, Filomeno Soares hatete, traballadór sira iha ne'eba hases-an husi sistema ne'e tanba, problema mak governu Korea proteze hela.

Loloos, atu evita traballadór hases-an husi sistema ne'e, governu tenke haree atu ema ne'ebé ilegál ona lalika simu atu hala'o serbísu.

"Tanba, sira ba ne'e, balun kontratu to'o tinan tolu remata ona, sira lakohi fila mai, entaun sira hakarak hases-an husi sistema, maibé, problema ida mak governu ida agora simu ema iha ne'eba ne'e proteze hela ema sira ne'e, sira mós simu hela ema ilegál balun, ida ne'e mak problema”, dehan nia iha kna'ar fatin Bekora, kurta (17/03).

Parte governu Timor-Leste lakohi sira ba Korea Sul hases-an husi sistema, tanba prezudika relasaun taka dalan atu ema simu tán traballadór.

"Ita-nia nasaun lakohi hanesan ne'e, sé ilegál barak orsida prezudika mós ba kouta, ema hakarak simu ema barak husi Timor, tanba ita ilegál barak tiha, entaun ema labele foti tán foun ba”, klarifika now.

Ho problema ne'e, adidu traballadór serbísu hamutuk ho embaixada Timor-Leste nian iha Korea, no imigrasaun Korea nian atubele haree, no kontrola traballadór sira ne'ebé dadaun hases-an husi sistema ka ilegál.

"Ami sempre fó hanoin bá sira, favór boot ida imi labele sai husi sistema, sé imi sai husi sistema, bainhira imi mate karik, ema soe de'it, tanba iha Timor mós mate, iha Korea mós mate, entaun wainhira kuandu ema trata imi hanesan halo asistensia di'ak, imi iha sistema nia laran”, afirma ina.

Tanba, governu Timor-Leste haruka nia ema ba serbísu iha Korea, la autóriza atu sai husi sistema, nune'e kuandu kontratu hotu ona mai tiha, aplika fali depois mak ba fali.

Totál traballadór timoroan dadaun ativu serbísu iha Kore Sul hamutuk na'in-rihun-.893, no husi númeru ne'e, tuir dadus ne'ebé fó husi embaixada, kuaze na'in-400 mak hases-an ona husi sistema kailegál.

Maske, sira hala'o serbísu ilegál, maibé parte SEFOPE buka ona meus atu haruka sira fila. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter