CNRT Identifika Saldo Tezouru Hela De'it Tokon US$59

Tempotimor (Dili) - Deputada Bankada CNRT iha Parlamentu Nasionál (PN), Carmelita Moniz Caetano hatete, CNRT sira identifika saldo tezouru ne’ebé tau iha konta estadu nian dadaun hela de'it ona tokon 59 tanba ezukusaun atinje ona pursentu sanulu-resin-sia (19,5%).

CNRT hato'o deklarasaun ne'e tanba haree ba Portal Transparensia ne’ebé CNRT asesu, katak ezekusaun orsamentu atinje ona 19.5% ne'ebé reprezenta husi montante osan hamutuk tokon US$465 husi orsamentu Orsamentu Jerál Estadu (OJE) 2021.

“Totál osan loloos hahú husi fulan-janeiru to’o marsu 2021 depois konta ho levantamentu iha tinan 2021 hamutuk U$525,000,000, maibé ita haree husi ezekusaun to’o loron 17 de março gasta ona osan hamutuk US$465,318,411.63. Signifika ita-nia líquidez (saldo agora) hela de’it US$59,681,588.37 (Miliaun US$59,7)”, dehan nia iha parlamentu nasionál, kuarta (17/03).


Iha loron 5 fulan-janeiru tinan 2021 Ministru Finansas, Rui Gomes dehan, Saldo Tezouro (líquidez-likuiditas) total osan hamutuk US$325,000,000.00 mak sei iha saldo hodi bele selu nesesidades kurtu-prazu nian, inklui deve.

Maibé,Iha loron 23 fulan-fevereiro 2021, tuir komunikadu imprensa husi Banco Central Timor-Leste katak sira halo ona tranferensia osan Fundo Petrolíferu hamutuk US$200,000,000 ba konta estadu.

Husu atu governu fo informasaun tanba osan tesouru hela de'it 59 millaun, Seraké iha fulan-marsu 2021 nafatin laiha nesesidade atu halo levantamentu foun ba Fundo Petrolífero ba OJE 2021?.

Karik ida ne'e nu’udar prátika di’ak contabilísticas internacionais no Governu Timor-Leste, lolos implementa orsamentu transita husi tinan kotuk nian tenke rai U$200 millaun ba Saldo da Conta do Tesouro hodi asegura rezerva iha tinan oin nian. Osan ne’e saldo báziku ba kaixa tezouro tenke iha millaun US$200.

Tuir deputadu ne'e, se Nú Kazu osan menus ona husi Miliaun US$200, Governu tenke husi Banco Central atu transfere osan husi Fundo Petrolífero ba iha kaixa tezouro nian.

Maske rejeita atu fó kemntáriu kona-ba kestaun osan, maibé nia husu governu tenke hatan tanbasá la halo levantamentu ba fundu petroliferu ba OJE 2021.(*

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« May 2021 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter