Deputadu Antonio Verdial, fó sai katak, dadaun estudante hamutuk na’in-23 sei iha nasaun Cuba desde tinan tolu ona, maibé husi estudante hirak ne'e, na’in-017 mak finaliza ona estudu no dadaun na’in-15 mak hetanona diploma.
“Tanba kondisaun real, ita-nia espesialista médiku timorense ne’ebé remata ona estudu agora dadaun sira presiza tebes tulun husi governu hodi lori sira fila lalais mai Timor-Leste,” hatete nia liuhusi deklarasaun polítika iha plenáriaPparlamentu Nasionál, tersa (16/03).
Estudante sira ne’ebé ba hala'o estudu iha Cuba tanba hetan apoiu husi Ministériu saúde no espesialista hirak ne’ebé hetan ona diploma iha fulan-dezembru tinan 2020, to'o agora hein hela atu reapatrisaun fila mai Timor-Leste maibé fulan tolu ona, governu seidauk lori sira fila.
Tuir dadus ne’ebé deputadu fó sai katak, husi estudante na’in-15 ne'e, kompostu husi área espesialidade hanesan cardiologia na’in-3, grapia-intesiva na’i- 4, neofologia na’in-3, neorologia na’in-1, endo-crinologia na’in-2, no imesnologia na’in-2.
Ba kestaun ne'e, Ministru Asuntu Parlamentar no Komunikasaun Sosiál (MAPKOMS), Francisco Martin Jeronimo hatete, pozisaun governu nafatin buka solusaun kona-ba estudante hirak ne’ebé antes ne'e hala'o estudu iha nasaun Cuba.(*)