Profisionál Saúde Iha Liña Frente Labele Lakon Esperansa

Koordenadór Forsa-Tarefa ba Prevensaun no mitigasaun Surtu Covid-19, Rui Maria de Araújo Koordenadór Forsa-Tarefa ba Prevensaun no mitigasaun Surtu Covid-19, Rui Maria de Araújo Foto Arkivu

TempoTimor (Dili) - Koordenadór Forsa-Tarefa ba Prevensaun no mitigasaun Surtu Covid-19, Rui Maria de Araújo, apela ba profisionál saúde ho profisaun sira seluk ne’ebé hamrik iha liña frente (oin) atu labele lakon esperansa ba ema ne'ebe insulta no habelar lia falsu hodi tuda ambulánsia.

Tanba, dezafiu importante mak buka identifika kontaktu besik husi kazu pozitivu sira hotu, foti amostra, impoin kuarentena ba sira ne’ebé iha risku, izola sira ne’ebé pozitivu, maske asimtomatiku, atu nune’e labele hada’et tutan ba ema seluk.

"Ema balun seidauk bele, ka seidauk hakarak kompriende sa ida maka ita halo, sei insulta, sei habelar lia falsu, sei tuda ita ho fatuk nafatin, Ingratidaun ka falta gratidaun, halo fuan moras, maibé fuan moras labele sai obstákulu”, dehan nia liuhusi Zoom conference, segunda (15/03).

Atu kumpri misaun importante hodi proteze komunidade, povu liuliu sira ne’ebé vulnerável liu. No husu ba populasaun iha Munisípiu Dili, Baukau ho Vikeke atu nafatin hakmatek, maske kazu konfirmadu aumenta ba beibeik.

"Husu atu tu’ur hakmatek, atu nafatin matan moris neon na’in, lalika sé tilun ba lia-anin ka rumores, prátika nafatin medida sira ne’ebé ita hotu hatene, uza maskara, fase liman beibeik ho sabaun ka dezinfetante ruma, evita kose liman ba matan, inus ho ibun, wainhira kumprimenta malu, lapresiza ka’er liman, bensa-liman, rei-malu ka haku’ak malu, evita halibur malu barak, hamri’ik ka tur do’ok husi ema seluk, mínimu metru ida ho balun”, dehan nia.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter